Bir ağac altında, sahildə yalqızOturub, dalmışam düşüncələrə.Payızdır, payızdır, payızdır, payız,Canlanır önümdə başqa mənzərə.

Hava da tutqundur, nədir, bu nədir, –Eşqimin hicranlı səhəri kimiAğacdan yarpaqlar tökülür bir-bir,Ötən illərimin günləri kimi.

Başımın üstündən keçir durnalar,Mənə tanış gəlir qaqqıltıları.Yenə Lənkərana köçür durnalar,Quşların ordadır qışda baharı.

Sabah qış gələcək, tökəcək qarı.Bir adam varmı ki, bunu bilməsin.Ömrümün baharı keçibdir barı,Payızı uzansın, qışı gəlməsin.

Hava da tutqundur, nədir, bu nədir, –Eşqimin hicranlı səhəri kimi...Ağacdan yarpaqlar tökülür bir-bir,Ötən illərimin günləri kimi.

Use ← → keys to move, R for a random poem

Random poem

More by this author

Poems by other poets · Nature and spring