Cəmalın şəminə, cana, yanar pərvanələr bir-bir
Cəmalın şəminə, cana, yanar pərvanələr bir-bir,Çəkər zənciri-zülfün, həsrətin divanələr bir-bir.
Edər üşşaq könlüm cəm ikən aşüftə, hər saətPərilər zülfünə dəydikcə, ey dil, şanələr bir-bir.
Yenə bilməm, nə əfsun eyləmiş caduyi-çeşmin kim,Dəyibdir bir-birinə mərdümi-fərzanələr bir-bir?!
Nə meydir, gözlərin qurbanı, bilməm badeyi-eşqinKi, içdikcə tapar huşyarlıq məstanələr bir-bir?
Ləbin öpmək xəyalilə dili-sağər olub pürxun,O həsrətlə gəzər əldən-ələ peymanələr bir-bir.
Dəhanindən əsər yoxdur, demişlər, şərti var, ammaYetər təhqiqinə, şərh etsələr fərzanələr bir-bir.
Könül, qıl şöleyi-ah ilə rövşən bəzmi-canani,Həsəd narinə yansın şəm kimi biganələr bir-bir.
Ərəqdirmi düzülmüş arizi-alində sərtasər,Gül üzrə jalədir, yainki ol dürdanələr bir-bir?
Məzaqi-ləlini görmüşlə, derlər cami-mey içrə,Şərəfyab ol cəhətdəndir olub meyxanələr bir-bir.
Ayılmaz məscid əhli, Vahida, xabi-cəhalətdən,Məgər əhli-riyadən tərk ola əfsanələr bir-bir!
Kitabxana.az · https://kitabxana.az/en/works/vahid-cemalin-semine-cana-yanar-pervaneler-bir-bir
Use ← → keys to move, R for a random poem
More by this author
Ey könül, sən sevdiyin ol nazlı afət özgədir,Bülbüli-şeydayə gülzari-lətafət özgədir!
Nigar ilə bizim əhdü qərarımız belədirNigar ilə bizim əhdü qərarımız belədir,Şəhidi-xəncəri-eşqik, şüarımız belədir.
Sevgilim, eşq olmasa, varlıq bütün əfsanədirSevgilim, eşq olmasa, varlıq bütün əfsanədir,Eşqdən məhrum olan insanlığa biganədir.
Məqsəd üzündür, aşiqə cənnət bəhanədirMəqsəd üzündür, aşiqə cənnət bəhanədir,Ləlin yanında çeşmeyi-kövsər fəsanədir.
Poems by other poets · Love
Ey əzizim, bu qədər raği-həmam olma,Mərdümi-qafil, tənpərvər və əyyam olma.
Gəraylı: Gəl ey bülbül, bahar keçdiGəl ey bülbül, bahar keçdi,Nə ağlarsan, nə sızlarsan,
Əvvəla şərti-gözəllikdə kamal olmalıdırƏvvəla şərti-gözəllikdə kamal olmalıdır,Saniyən qaideyi-hüsnü camal olmalıdır.
تا دلبر من بر ابرو افکند شکنجهر روز یکی درد دلم گردد پنج