Könül, üşşaq qanın çox töküb ol tiği-əbrulər,Haçan, bilməm, gəlir rəhmə cəfadən yari-bədxulər.

Olur gözdən rəvan xuni-cigər, ahim şərarindən,Bu oddan cismimi, yarəb, xilas eylər axan sulər.

İlandır, qıvrılıb yatmış, nigarim, gənci-hüsn üstə,Və ya kim həlqələnmiş dövri-ruyin üzrə keysulər.

Salıb yüz fitnəvi aşub çeşmin mülki-dünyayə,Həzər eylər, düşər xovfə səni gördükdə cadulər.

Görüm hərgiz təcəllayi-cəmalın şami-zülf içrə,Olur gündüz kimi rövşən mənə ol şami-ziculər.

Tutubdur ləşkəri-xətt arizin, cana, xərac istər,Ki, guya mülki-Rum üstə gəlib yəğmayə hindulər.

Götür zülfün üzündən, ey üzü xurşiddən ənvər,Olubdur qəlblər qarə, tutubdur jəng güzgulər.

Rəqibin tənəsindən inciyib heç etiraz etmə,Gərək səbr eyləsin aşiq, əgər min olsa bədgulər.

Şikayət etməmək yeydir cəfayi-çərxi-zalimdən,Bahari-ömrümü qılsa xəzan gər badi-qayğulər.

Daha guş etmə, Vahid, pəndinə vaizlərin hərgiz,Neçə evlər qoyub viranə cəhl ilə o bayqulər.

Use ← → keys to move, R for a random poem

Random poem

More by this author

Poems by other poets · Love