Məcnun hələ də eşqdə divanə deyilmiş
Məcnun hələ də eşqdə divanə deyilmiş,Leyli o zamanlar ona cananə deyilmiş.
Məcnunu giriftari-qəmi-eşq eləyən var,Divanə deyənlər ona fərzanə deyilmiş.
Çox fərqi var, arif düşünər əql ilə eşqin,Eşq əhli kamal əhlinə həmxanə deyilmiş.
Pərvanə yanır şövqi-cəmalınla, sanırdım,Öz könlüm imiş hər gecə, pərvanə deyilmiş.
Zülfündə gəzən şanəni biganə bilirdim,O, məhrəm imiş könlümə, biganə deyilmiş.
Pirimdən eşitdikdə xərabatiyi-eşqi,Öyrəndim o gəncinəni, viranə deyilmiş.
Var üzrü, əgər sevməsə eşq əhlini zahid,Məzurdur, onun təbi zərifanə deyilmiş.
Əlbəttə, həqiqət çıxacaq zahirə, Vahid,Bir iş tap, onun əvvəli əfsanə deyilmiş.
Kitabxana.az · https://kitabxana.az/en/works/vahid-mecnun-hele-de-esqde-divane-deyilmis
Use ← → keys to move, R for a random poem
More by this author
Könül, biz aşiqik, eşq ilə iftixar edirik,Bu iftixarimizi xəlqə intişar edirik.
Nə qədər eşqimiz, ey gül, belə pünhan olacaq?Nə qədər eşqimiz, ey gül, belə pünhan olacaq?Aşikar eyləməyincə ürəyim qan olacaq.
Könül, həmişə səadət bizimlə yar olacaqKönül, həmişə səadət bizimlə yar olacaq,Xəzan qəmi bitəcək, ölkəmiz bahar olacaq!
Vəfalı olmasan, ey gül, baharın olmayacaqVəfalı olmasan, ey gül, baharın olmayacaq,Çəmən behişt ola, xoş ruzigarın olmayacaq!