Mən ki candan keçirəm sevgili cananım üçün,O mənim dostumu düşmən törədir canım üçün.

Sevirəm, yüz desəm ol şuxə, inanmır sözümə,Daha yox taqətim and içməyə vicdanım üçün.

Özgə bir ovçunun ahusuna zövqüm yoxdur,Yalnız avarəyəm öz sevgili ceyranım üçün.

Hər sevimli gülün öz aşiqi, öz bülbülü var,Mən də bir bülbüləm öz qönçeyi-xəndanım üçün.

Bir yaxın gəlmədi, bilməm, necə xatircəm olum,Çox kəmənd atmışam ol zülfi-pərişanım üçün.

Ölkəmin Yusifinə başqa Züleyxa nə gərək,Min Züleyxa tapılar Yusifi-Kənanım üçün.

Bu şərafət mənə nəslən qalacaqdır, Vahid,Nə qədər xidmət edəm Azərbaycanım üçün.

Use ← → keys to move, R for a random poem

Random poem

More by this author

Poems by other poets · Love