A Qurban
Acı ruzgar döydü ömür qapımı,Qara döndü ağ dövranım, a Qurban!Dağlarımı duman aldı, çən aldı,Zülmət oldu asimanım, a Qurban!
Bu yazıq canımı gətirdi cana,Ədalətsiz divan, zalım zamana,Atəşə pərvanə, oxa nişanə,Piltəyə şam oldu canım, a Qurban!
Tər şamama bu tağlardan kəsildi,Ömr ağacı budaqlardan kəsildi.Tütək səsi bu dağlardan kəsildi,Hayıf oldu Xançobanım, a Qurban!
Aylarım bəd gəlib, illərim nəsdi,O azca ülfəti fələk də kəsdi,Dünya zindan oldu, məhbusu Bəsti,Yaşamağa yox gümanım, a Qurban!
Kitabxana.az · https://kitabxana.az/ru/works/asiq-besti-a-qurban
Клавиши ← → для перехода, R — случайное стихотворение
Другие произведения автора
Стихи других поэтов · О судьбе
Aşiq əgərçi yarı görüb könlü şad olur,Amma ki, çərx cövrü ilə namurad olur.
Bir günKönül, gəl əl götür bu qəm-qüssədən,Sənin də yurdunda toy olar bir gün!
Fələyin bir belə dövrü olacağmış, nə bilimFələyin bir belə dövrü olacağmış, nə bilim?Saralıb bağü gülistan solacağmış, nə bilim?
Rübabə Muradovanın xatirəsinəYanıqlı nəğmələr oxudun bizə,Arabir göz yaşı boğdu səsini,