Könlümə düşdün
Uzaq Havanada könlümə düşdün,Gör bir aramızda neçə dəniz var!Bu gecə yuxuma necə gəlmişdin,Necə qısalmışdı bu gecə yollar.Heç Günay qızımız yerimir hələNecə də dənizlər keçib, gəlibdi.Ata yuxusunun qanadlarında
Körpə mələk kimi uçub gəlibdi.Bu gecə fikrimdə qarışıb aləm –Kubanı döndərdim öz kəndimizə.Sənin hünərinə mat qalmışam mən,Gəlib oturmusan burda üz-üzə.Ağıla gələrmi, düşərmi yada,Durub baxır mənə o gülə-gülə.Uzaq Havanada, mehmanxanadaMənə dovğa çalmaq istəyir hələ.Dedim: “Nə qaçmısan ürəyi dolu,Qoyaydın körpəni yataydı barı,Axı, nə düşmüşdü, bu uzun yoluDurub tək gəlmisən bu gecəyarı”.Yuxudan ayıldım, gördüm səhərdi,İspanca danışır burda dəniz də.Günəş qəzəbini yerə əndərdi,İndi qaç, özünü istidən gizlə.Elə istidir ki, eh... buralardaAdam balıqlara həsəd aparır.Səmada ləhləyən ağ buludlar daQaçıb gizlənməyə kölgə axtarır.Belə vurhavırda könlümə düşdün,Elə bil ruhuma qar ələndi, qar.Bu gecə yuxuma necə gəlmişdin,Necə qısalmışdı bu gecə yollar...
Kitabxana.az · https://kitabxana.az/ru/works/fikret-qoca-konlume-dusdun
Клавиши ← → для перехода, R — случайное стихотворение
Другие произведения автора
Стихи других поэтов · О природе
Pilot qardaş, şahinləri göy üzündə havalandır!Bir tərəfi buzlu dəniz, bir tərəfi Savalandır
Könlüm səni istərYüz gər mənə canan ola, könlüm səni istər,Yüz afəti-dövran ola, könlüm səni istər
Düşə bir də nəzərim mehri-rüxi-cananəDüşə bir də nəzərim mehri-rüxi-cananə,Kafirəm, meyl eləsəm sərvü gülü reyhanə.
QalıncaŞikar olub əldən ələ düşməsin,Qurulmuş torlara, felə düşməsin,