Batalı qanə oxun dideyi-giryan içrə,

Bir əlifdir sanasan kim, yazılar qan içrə.

Yeridir, sineyi-suzanıma gülxən desələr,

Bəs ki, yanmışdır oxun sineyi-suzan içrə.

Canı tən içrə nə saxlardım əgər bilsə idim

Ki, deyil gizli qəmi-ləli-ləbin can içrə.

Ala gör oxlarını didələrimdən, ey dil,

Heyfdir, olmaya nagəh itə müjgan içrə.

Çak könlüm arasında yaraşır peykanın,

İqdi-şəbnəm xoş olur qönçeyi-xəndan içrə.

Qəddinə sərv demiş, qönçələrin tənindən

Duramaz badi-səba hiç gülüstan içrə.

Ey Füzuli, kimə suzi-dilimi şərh qılım,

Yox mənim kimi yanan atəşi-hicran içrə.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О природе