Möhnəti-eşq, ey dil, asandır deyib, çox urma laf,

Eşq bir yükdür ki, xəm olmuş onun altında qaf.

Olma xali dürdkəşlər söhbətindən, ey könül,

Gər dilərsən edəsən ayineyi-idrakı saf.

Sübhdəm zülfün dağıt, ya şam ərzi-ariz et,

Qoyma sübhü şam arasında təriqi-ixtilaf.

Rəşki-rüxsarın dili-xurşidə salmış iztirab,

Qeyrəti-qəddin mizaci-şəmə vermiş inhiraf.

Xaki-kuyin Kəbəyə nisbət qılan bilməzmi kim,

Bunda hərdəm, onda bir növbət olur vacib təvaf.

Vəhmim ondadır ki, mümkün olmaya qəmdən nəcat,

Fərric-il lahümmə həmmi, nəccini mimma məxaf.

Ey Füzuli, zahid ər dəvayi-əql eylər, nə syd,

Nəfi-zövqi-eşqdir cəhlinə eyni-etiraf.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви