Содержание
  1. Üçüncü şəkil
  2. Dördüncü şəkil
  3. Beşinci şəkil
  4. Altıncı şəkil

Страница 2 из 4 · 25%

Cəlal

İliyinə qədər pozulub. Onu daha fabrikdə saxlamaq mümkün deyil!.. (Gedir)

Fərhad (səhnə qabağında)

Qaşqay, Əmin Bəxtiyarovun çox şübhəli bir haqq-hesabla məşğul olduğunu hiss eləyirdi. Onun əliəyri adamlarla xosunlaşdığını az görməmişdi. Lakin bu xüsusda danışa bilmirdi. Çünki əlində tutarlı bir dəlil yox idi. Əmin Bəxtiyarov isə onun şübhələndiyini duymamış deyildi. Buna görə də Rəfiqə əhvalatını uydurmuşdu ki, Cəlalın guya qərəzli olduğunu sübut edə bilsin.

Əmin (öz-özünə)

Cəlal Qaşqay canıma lərzə salır. Bəlkə parçaları satdırmağımdan xəbəri var? Bu tərəfdən də tərs kimi Əsmər məni qılınclayacaq. Yox, bir gün belə gecikmək olmaz. Bütün izləri itirmək lazımdır. Mən Cəlalı qabaqlayıb Əsməri Kərim dayının gözündən salmalıyam... Nə deyəcəyəm?

Pauza

Qısa bir cümlə. “Üzdən həyalı görünməyinə baxmayın, çoxdanın əxlaqsızıdır, indi də özünü mənə calamaq istəyir!”.

Fərhad (səhnə qabağında)

Əmin Bəxtiyarov! Məsum bir xilqətə böhtan atmaq? Hanı sizin vicdanınız?

Əmin (öz-özünə)

Vicdan?! Nədir vicdan? Köhnə, çürük bir məfhum. Ancaq Əsmər üzümə dursa, məni vicdansızlıqda təqsirləndirsə? Hər halda Kərim dayı mənə inanacaq. Belə sadəlövhləri aldatmaq üçün böyük hiyləyə ehtiyac yoxdur.

Rəfiqə (gəlir)

Yoldaş Bəxtiyarov, atam hanı?

Əmin

Şəhər komitəsində.

Rəfiqə

Dünəndən evə gəlməyib. Nigaranıq.

Pauza

Əmin

Rəfiqə xanım, deməliyəm ki, başa düşmədim.

Rəfiqə

Nəyi, yoldaş Bəxtiyarov?

Əmin

Mənə salam vermədiniz. Niyə belə kəmiltifatsınız?

Rəfiqə (qeyri-müəyyən bir ifadə ilə)

Sizi görəndə hər şey yadımdan çıxır.

Əmin

Mənə qarşı qəzəbinizin çoxluğundan?

Rəfiqə

Səbəbini soruşmayın.

Əmin

Soruşmağa məcburam. Əgər bayırdan gələn mən olsaydım, bunu tələb etməyə haqqım yox idi.

Pauza

Rəfiqə

Cəlal Qaşqay buradadırmı? (Baş mühəndisin kabinetinə baxıb qayıdır) Yoxdur. Hara gedib görəsən?

Əmin

Özünüz baldan şirin, cavabınız zəhərdən acı.

Rəfiqə

Mənim nəzərimdə kompliment kəsərsiz silahdır. Pas atmış mətbəx bıçağı kimi.

Əmin

Düz deyirsiniz. Acı söz qızları daha çox cəzb eləyir. Təəssüf ki, mən belə sözləri deməyə alışmamışam.

Rəfiqə

Cəlal Qaşqay hara gedib görəsən?

Əmin

Qaşqay dilinizdən düşmür. Siz – mələk, Qaşqay – meymun. Yoxsa ona vurulmusunuz?

Rəfiqə

Bilmək istəyirəm: siz nə üçün həmişə atamın kabinetində olursunuz? Burda nəyin keşiyini çəkirsiniz?

Əmin

Birdəfəlik deyin ki, meymuna tamaşa eləmək sizə daha çox zövq verir.

Rəfiqə

Belə olsaydı, onda bütün günü sizə tamaşa edərdim.

Əmin

Oğlanların kobudluğuna birtəhər dözmək olar, amma zərif qızlar belə sözləri deyəndə...

Rəfiqə

Dözə bilmirsiniz, eləmi?

Əmin

Mən sizi sevirəm, Rəfiqə xanım.

Rəfiqə

Nə üçün?

Əmin

Qəribə sualdır. Sevirəm, çünki gözəlsiniz.

Rəfiqə

Mən sizi sevmirəm.

Əmin

Nə üçün?

Rəfiqə

Çünki gözəl deyilsiniz.

Əmin

Bu sözü ilk dəfə sizdən eşidirəm. Mən çirkinəm?

Rəfiqə

Bəli, təəccübünüz yersizdir. Siz meymundan da çirkinsiniz. (Sürətlə gedir)

Fərhad (səhnə qabağında)

Bu cavab Əsmərin şilləsindən də bərk dəydi, lakin Əmin heç bir ağrı duymadı.

Əmin (öz-özünə. İnamla)

And içərəm ki, onun Cəlala məhəbbəti kitabdan gəlmədir. O, Dezdemonaya təqlid eləyir. Orijinal görünmək istəyir... (Düşüncəli) Yoxsa doğrudan Cəlalı sevir? Şübhəm var... (Cibindən çıxardığı boyunbağını gün işığına tutub parıldadır) Mən əminəm ki, Rəfiqə bunu görsəydi, o acı sözlərin birini də mənə deməzdi. Bəs nə üçün mən bunu ona göstərmədim! (Rəfiqənin dalınca çıxır)

Cəlal (gəlir)

Bu müdir harda qaldı? (Telefonun dəstəyini götürüb hara isə zəng etmək istərkən Gümrah gəlir) Buyur, mənə görə qulluğun?

Gümrah

Yoldaş Qaşqay, sizə şikayətim var.

Cəlal

Kimdən?

Gümrah

Bədəl dayıdan. Mühəndis Bəxtiyarovdan. Sizin özünüzdən. Belə də zülm olar? Niyə donluğumdan ayda iki yüz manat tutulsun? Mənim qazancım nədir ki, onun da üçdən birini verməsinlər?

Cəlal (zəngi basır)

Əyləş, əyləş, bu dəqiqə öyrənərəm.

Gümrah (kövrələrək)

Atam naxoş, anam da ki, savadsız. Mən onları nə ilə dolandırım?

Cəlal

Uşaq deyilsən ki? Kövrəlmək nədir? Yekə kişisən. Sənin yaşıdların qəhrəmanlıq eləyib, aləmdə məşhur olurlar. Ayıb deyil?

Gümrah

Elələri də var, mənim kimi bivecləri də. Hamı qəhrəman olmaz ki?

Katibə gəlir.

Cəlal

Baş mühasibi çağırın. Maaş cədvəlini də gətirsin.

Katibə

Baş üstə. (Gedir)

Gümrah

Belə insafsızlığı görəndə, adamın ürəyi dözmür. Axı, tək mən olsaydım, yenə dərd yarı idi. Bütün sex narazılıq eləyir.

Bədəl Sadayev gəlir.

Cəlal

Maaş cədvəlini gətirmədin?

Bədəl

Xeyr.

Cəlal

Niyə?

Bədəl

Camaata maaş verilir.

Cəlal

Nə üçün bu oğlanın maaşından iki yüz manat tutmusunuz?

Bədəl

Brakı var.

Gümrah

Yoldaş Qaşqay, bu nə deyir? Hələ mənim əlimdən brak mal çıxmayıb. Doğrudur, mən özüm bivecəm, qəhrəmanlıq əlimdən gəlmir, amma dünyasında brakım olmaz.

Cəlal

Malları özüm yoxlayacağam. (Gümraha) Sən get, qanunsuz bir qəpiyin də tutulmayacaq.

Bədəl

Adın nədir?

Gümrah

Mənim?

Bədəl

Bəli, sənin.

Gümrah

Gümrah.

Bədəl

Sənin nəyin gümrahdır? Bu boyda-buxunda da Gümrah olar? Ada bax. Gümrah!..

Gümrah

Əşi, atam-anam qoyan addır, mən neyləyim?

Cəlal (hər ikisinə)

Gedin. (Bədələ) Camaatı bizdən narazı salmaq da təzə metoddur?

Gümrah gedir.

Bədəl

Heç bilmirəm, neçə ağamız var. Bu fani dünyada Əfqanıstanınsa padşahı ola bilmədik. Hər yerindən qalxan bizi qapazlayır.

Cəlal

Necə, necə? Əfqanıstan hara, sən hara?

Bədəl

Əşi, bir sözdür deyirəm də. Elə o saat padşah olmadım ki?

Cəlal

Sən iş vaxtı da içirsən?

Bədəl

Yox içməmişəm... Hafiz Şirazi deyir ki, mən ömrümdə bir dəfə möhkəm içmişəm, yəni lül-qəmbər olub yıxılanacan. Amma hər gün içməyim paxmel üçündür.

Cəlal

Səni bir də bu halda görsəm, öz bəxtindən küs.

Bədəl

Əgər məndə bəxt olsaydı, buxalter yox, padşah olardım də. (Gedir)

Cəlal

Hiyləgər tülkülər!.. İndi də bu yolla fəhlələri narazı salmaq istəyirlər! (Telefonla zəng eləyir) Şəhər komitəsidir? Yoldaş Rəhimlin istəyirəm. Getdi? Çox sağ olun. (Dəstəyi yerindən asır)

Rəfiqə (gəlir)

Xoş gördük, Cəlal. (Hərarətlə əl verir) Atam dünəndən evə gəlməyib. Bura zəng eləməkdən yorulmuşuq. Cavab da vermir...

Cəlal

Məruzəyə hazırlaşırdı... Bütün gecəni tək o yox, mən də yatmamışam... Bir qədər gözləyin, bu saat gəlir.

Rəfiqə

Bəs siz... Mənə nə isə göstərmək istəyirdiniz...

Cəlal

Hə... Xahiş eləyirəm, dayanın... Vaxtınız varsa...

Rəfiqə

İşdən yenicə gəlmişəm, heç yana tələsmirəm.

Pauza.

Əsməri gördüm. Məndən iş istəyirdi. Ona neyləmisiniz?

Cəlal (tutularaq)

Ərizə verib... Mən onun fabrikdən getməyinə razı deyiləm. Ən mahir toxucumuzdur.

Rəfiqə

Dedim ki, atam da səni buraxmaz. Uşaq kimi ağladı... Kim isə xətrinə dəyib... Nə varsa, siz də əsəbiləşmisiniz...

Cəlal (papiros yandırır. Qəzəbdən əli titrəyir)

Adamları tanımaqda olmur. Üzlərinə baxanda deyirsən, dünyada belə mədəni, belə nəzakətli insanlar az tapılar, amma əslində...

Rəfiqə

Kimi deyirsiniz? Əsməri?

Cəlal

Yox, Əsmər barədə belə sözləri deməyə mənim dilim varmaz. Mən özgə adamları deyirəm. Atanızı da, məni də aldadanlar var. Əvvəllər düşünürdüm ki, bəlkə yanılıram, ancaq bu gün hər şey mənə aydın oldu... Əmin Bəxtiyarovu yaxşı tanıyırsınızmı?

Rəfiqə

Şəhərimizdə onu tanımayan yoxdur.

Cəlal

O mənada soruşmuram. Necə adamdır?

Rəfiqə

Nə deyim, Cəlal? Mənə elə gəlir ki, Bəxtiyarovu tanımaq o qədər də asan deyil. Hər halda onunla ehtiyatlı dolanın. Bu saat fabrikin bağçasında gəzinirdim. Yandan çıxıb, ordan-burdan danışdı. Sonra mənə bir boyunbağı göstərdi. Deyir ki, nişan üçün alıb... Əlli min manata... Sizcə bu pullar hardandır?

Pauza.

Deyəsən atam gəldi.

Kərim (gəlir)

Aha, qızım da burdadır... İclaslar məni lap həkdən saldı. Gəl otur, qızım.

Cəlal

Yoldaş Rəhimli, bağışlayın... Qızınızla söhbətinizə mane oluram. Sizə bir sualım var.

Kərim

Buyur, Cəlal, buyur.

Cəlal

Maaşların tutulmağından xəbəriniz varmı?

Kərim

Bəxtiyarov məlumat vermişdi. Brakların cəriməsi...

Cəlal

Məni bağışlayın. Əmin Bəxtiyarov mənim tapşırığımla görülən hər bir işə mane olur, hər dəfə də sizin adınızdan danışır.

Kərim

Məsələn, nə deyir?

Cəlal

Guya siz də təzə çeşidləri bəyənmirsiniz. Guya onların yarıdan çoxunu brak sayırsınız.

Kərim (təəccüblə)

Mən?.. Görmədiyim bir şeyi necə bəyənməyə bilərəm? Hanı o mallar?

Cəlal

Doğrudur, Əmin Bəxtiyarov fabrikdə çoxdan işləyir, ali məktəbi də məndən əvvəl qurtarıb, amma bu heç də meyar ola bilməz. O, fabrikin geridə qalmış, mühafizəkar adamlarını başına toplayıb, hər addımda işə əngəl törədir.

Клавиши ← → для перехода, R — случайное стихотворение

Случайное стихотворение

Другие произведения автора

Bahar suları

I**Qeysər, oğlunun ölümündən iki il sonra belə ağır və iztirablı düşüncələrdən ayrıla bilmədi. Qadın nümayəndələri iclası, savad kursu, əl işi dərnəyi, klub məşğələsi – bunlar hamısı onu gələcək həyatında baş verə biləcək bütün fəna hallara dair düşünməkdən saqındıra bilmədi. Çox zaman, maraqlı məruzələr eşitdikdə də, sevimli oğlu gözləri qarşısında canlanır, bütün xəyalını uzaqlara, ucsuz-bucaqsız dərinliklərə çəkib aparırdı. Qeysər, sifətdən çirkin idi. O, adamları yalançı baxışlarla aldada bilən iri qara, cazibəli gözlərdən məhrum olduğunu hələ oğlu ölməmişdən bilirdi. Qeysər, çirkinliyini özü üçün bir nöqsan saymır, hətta qadınlarla bu xüsusda söhbət edərkən, heç bir işdə gözəllərdən geri qalmadığını söyləyirdi.

10 мин
Qayıtmadı

I**Surxay kənddə menşevik ordusunun sınıq körpünü tutması xəbərini eşitdi, osmanlı əsgərləri qayıdan zamandan bəri mal damında saxladığı tüfəngini götürdü, cəbhəyə getdi. Bu zaman onun arvadı Şirmayı sağ-salamatdı. O, pendir-çörəyi də heybəyə öz əlilə qoymuş, titrək dodaqları arasından yalnız bu sözləri deyə bilmişdi.

2 мин
Quzu

Şəhərin ucqar küçələrindən birində, hər zaman saralan kərpic evin qabağında gözəl bir bağça vardı. Yaz fəsli gələndə, bu bağçanı görən hər kəs azı bir neçə dəqiqə hərəkətsiz durub, yeni açılmış güllərə, çiçəklərə heyran-heyran baxardı. Oradan səhərdən axşama kimi əlləşən qoca bağban, kənarda duran tamaşaçılara nəzər salmasa da, qızların və oğlanların bu bağçaya daha ürəkdən vurulduğunu bilirdi.Qoca bağban sərt təbiətli, əsəbi və daima savaşan, uzun, arıq bir kişi idi. Kənardan baxanlara sevindiyi halda, bağçaya girənləri söyüb qovardı.

19385 мин
Kor at

Kənd toyu qurtarırdı.Oğlan evindən gəlmiş dəliqanlılar geri qayıtmağa hazırlaşırdılar. Gəlinlər, qızlar, nişanlının cehizini həyətin ortasında duran ikitəkərli arabaya yükləyirdilər. Hamı əl-ayağa düşmüşdü. Arabanı rəngbərəng xalılarla bəzəyənlərin sevinci yerə-göyə sığmırdı. Onların hamısı bəzənmişdi. Bəziləri, ayaqyalın da olsalar, qanovuzdan don geyinmişdilər.

19387 мин

Стихи других поэтов