Bülbül və şair
Qəlbimdə qövr etdi yarın həsrəti,Deyib-danışmağı, şirin söhbəti.Onun xəyalilə gəzdim çölləri,Baxıb seyr elədim əlvan gülləri.Nərgiz çəmənzarda yenə xumardı,Gözlərində yarın baxışı vardı.Lalə bənzəyirdi qız yanağına,Qərənfil alışan yar dodağına.Məni cəzb elədi suyun şiddəti,Göründü çeşmədə yarın surəti.Elə bil gülüşü nazlı dildarınQoynuna sinmişdi büllur suların.Qayıtdım, evimə gəlim dübara,Rast gəldim budaqda bülbüli-zara,O, məni görüncə susdu, dayandı,Qəlbimdə qəribə şübhə oyandı.Dil açdım bülbülə, o şeyda quşa,Dedim ki, səninlə ötmüşəm qoşa.Nə üçün uzaqdan görüncə məni,Dönüb qara daşa kəsdin nəğməni?Bülbül cavab verdi bir insan kimi,Köksünün dəryası çağlayan kimi.Dedi: “Ruhlandırır hər bahar çağıMəni bir ətirli gülün yanağı.Qonuram səfalı, yaşıl budağa,Ötürəm ruh verib fərəhlə bağa.Şairlərsə mənə böhtan deyirlər,Uydurub nəğməmə fəğan deyirlər.Özləri hicrlə gəlir fəğana,Bizi eləyirlər ancaq bəhana.Mən də söz vermişəm özümə bağdaŞair görən kimi susum budaqda”.Dinlədim bülbülü məhəbbətlə mənO, şəkər saçanda şirin dilindən,Sonra da söylədim: “A sarı bülbül,Nəğməsi könlümün dildarı bülbül!
Sən oxu bağçada xoş avaz ilə,Mən ötüm dünyada saz və söz ilə.Sən oxu sevginin rəvayətindən,Mən yazım insanın səadətindən.Sən dediyin şair bir özgəsidir;Onun sədası da qarğa səsidir”.Sözüm əsər etdi şeyda bülbülə,Eşq elan elədi ətirli gülə.Mən onu dinləyib yola düzəldim,Qəlbim fərəh dolu evimə gəldim.Təbriz, 1944
Kitabxana.az · https://kitabxana.az/ru/works/memmed-rahim-bulbul-ve-sair
Клавиши ← → для перехода, R — случайное стихотворение
Другие произведения автора
Стихи других поэтов · О любви
Qəni Mövlam, budur səndən diləkim,Gələ bir gün bu diyarə sevdiyim,
Muxəmməs (Nəsimiyə nəzirə)Sənə ey sərvi-səmənbər dedilər gerçəkmişLəbinə qəndi-mükərrər dedilər gerçəkmiş
Bəlkə dəDeyirlər qızlar –Bəzən pula, sərvətə aldanır sevgidə.
Təcnisİki mələk xəttat xəttin yazanda,Adın müshəfdə yazmış Yasinə,