Göy gölün xətrinə
Yayın qızmarında çıxdıq şəhərdən,Boz bürüncək kimi bürkünü atdıq.Keçdik dolaylardan, sıx meşələrdən,Gözəllik məkanı Göy gölə çatdıq.
Yorğundu maşın da, yorğunduq biz də,Dincəlmək həvəsi ürəyimizdəEndik çiçəkləri şehli sahilə,Sərin, təravətli, mehli sahilə.
Təbiətdə nə kin, nə şər, nə qərəz,Dolaşır hər yanı təmiz bir nəfəs.Təmizdir o şamlıq, o yamac, o çöl,Paklığın özüdür elə bil Göy göl.
Hüsnünə doyunca hələ baxmamış,Qoynundan gül dərib döşə taxmamışBirisi təlx etdi ovqatımızı.O, cibindən razı, özündən razı
Dedi: “Nə baxırsız, göl görməmisiz,Meşə görməmisiz, çöl görməmisiz?Buyurun, keyf məndə, damaq da məndə,Səxavət də məndə, araq da məndə...”
Dərhal hiss elədik sərxoşluğunu,Yan-yörədən nişan verdilər onu:
İmtahan götürüb rüşvət alanmış,Nəfsiylə tanış da, yad da talanmış.
Nəfəs çəkmək olmur üfunətindən,Qeyrətin, vicdanın atıb daşını.Çıxmış yüz tələdən, minbir ütüdən,Bişirən olmayıb hələ aşını.
Qudurub yolunu o, aza-aza...Birdən nə düşünüb, nə daşındısaBir qom pul çıxarıb dedi: “Götürün,Məni evimizə tezcə yetirin...”
(Var öz maşını da özgə adına,Vaxt olur, yetişmir öz imdadına.)
Hökmlü ədayla o baxdı mənə.Gözlər qanqırmızı, sinə alatəş...Dedim:– Gəl, əyləş!
Ayağım yorulub, qolum yorulub...Fəqət Göy gölümün əziz xətrinəZibil maşınına sürücü olubBu pak təbiətdən yüz milyon çərəkSəni uzaqlara tullayam gərək!
Kitabxana.az · https://kitabxana.az/ru/works/qasim-qasimzade-goy-golun-xetrine
Клавиши ← → для перехода, R — случайное стихотворение
Другие произведения автора
Стихи других поэтов
Məstanə gözlərin xumarlanubdur,Can almaqda gənə xəyalmı var?
Hərc-MərcÇərx cəfapişə gətir gərdişəBürk aldı qaç olubdu Şirvanımız
Qəzəl: Ançe ma rəncə kəşidimآنچه ما رنجه کشیدیم عبث بود عبثدر ره عشق دویدیم عبث بود عبث
Nev-rûz u nev-behâr irişdi ki câm içemNev-rûz u nev-behâr irişdi ki câm içemİşbu cihân içinde müdâmı müdâm içem