Yardımlı yollarında
Maşın dağdan dərəyə, dərədən düzə dönür,Uçurumlar üstündə ürəklər buza dönür,Yamacdakı lalələr axan ulduza dönürYardımlı yollarında.
Suların sinəsində kölgə olub axırıq,Gözəlliyin önündə dayanıb lal baxırıq,Zirvələrin başına dolanırıq, qalxırıqYardımlı yollarında.
Yarıb dumanı-çəni zirvədən qartal uçur,Qayaların görkəmi vahimədir, qorxudur,Meşələrin sükutu adamları qorxudurYardımlı yollarında.
Ulduzamı, ayamı ucalmaq vüsəti var,Çay kimi axışında bir arzu surəti var,Bir kənd məhəbbətinin tələsən sürəti varYardımlı yollarında.
Min illik palıdlardan bir ömür borc alaydım,Keçilməz dərələrə özüm körpü olaydım,Buz sulu, saf aynalı bulaq olub qalaydımYardımlı yollarında.
Kitabxana.az · https://kitabxana.az/ru/works/sabir-rustemxanli-yardimli-yollarinda
Клавиши ← → для перехода, R — случайное стихотворение
Другие произведения автора
Стихи других поэтов
Sən qanmasan, eybi yoxdur, utanma,Çünki mən qanıram, mən utanıram.
ƏrizəEy Cavanşir mülkünə sultan, baüzzü vüqarCanişin Hacıbəy Sultan, cənab Şahmar
Təcnis: Gözüm görcək səni istər kamaləGözüm görcək səni istər kamalə,Bürqeyin üzündən dağıdar Yaxşı,
SevdiyimQədəm basdın didələrim üstünə,Sən xoş gəldin, səfa gəldin, sevdiyim.