حیدربابا گلدیم سنی یوخلیامبیر ده یاتام قوجاغوندا یوخلیامعمری قوام بلکه بوردا حاخلیاماوشاقلیغا دیم بیزه گلسن بیرآیدین گونلر آغلار یوزه گلسن بیر

Heydərbaba, gəldim səni yoxluyam,Bir də yatam qucağında yuxluyam,Ömrü qovam, bəlkə burda haxlıyam,Uşaqlığa deyəm, bize gelsin bir,Aydın günnər ağlar üzə gülsün bir.

حیدربابا چکدون منی گتیردونیوردوموزا، یوامیزا یتیردونیوسفوی اوشاق ایکن ایتیردونقوجا یعقوب ایتمیشسمده تاپوپسانقاوالیوب قورد آغزینان قاپوپسان

Heydərbaba, çəkdin məni gətirdin,Yurdumuza-yuvamıza yetirdin,Yusufuvu uşaq ikən itirdin,Qoca Yəqub itmişsəm de tappısan,Qovalayıp qurt ağzından qappısan.

گدنلرین یری بوردا گورونورخانم ننم آغ کفنین بورونوردالیمجادور، هارا گدیم سورونوربالا گلدون، نیه بله گژ گلدون؟صبریم سنن گوژلشدی سن گوژ گلدون

Gedənlərin yeri burda görünür,Xanım nənəm ağ kəfənin bürünür,Dalımcadır, hara gedəm sürünür,Bala gəldin ? Niyə beylə gej geldin ?Səbrim sənnən güləşdi, sen güj gəldin.

من گؤردوگوم کروان چاتوپ کؤچیپدیآیریلیغن شربتینی ایچیپدیعمرموزون کؤچی بوردان گچیپدیگچیپ گدیپ گدر گلمز یولاراتوزی قونوپ بو داشلارا کولارا

Mən gördüyüm karvan çatıp köçüpdü,Ayrılığın şərbətini içipdi,Ömrümüzün köçü burdan keçipdi.Keçip, gedip, qedər-gəlmez yollara,Tozu qonup bu daşlara, kollara.

بوردا شیرین خاطره لر یاتوپلارداشلاریلان باشی باشا چاتوپلارآشنالیغین داشین بیزدن آتوپلارمن باخاندا قاوزانیللار باخیللاربیرده یاتوپ یاندریلار یاخیللار

Burda şirin xatirələr yatıplar,Daşlar ılan başı başa çatıplar,Aşnalığın daşın birdən atıplar,Mən baxanda qavzanıllar, baxıllar,Bir də yatıp yandırıllar yaxıllar.

قبیله میز بوردا قوروپ اجاغیایندی اولموش قورد قوشلارون یاتاغیگون باتاندا سؤنر بوتون چراغیو بلدت لیس لها انیسٌالا الیعافیر و الا العیسٌ

Qəbiləmiz burda qurup ocağı,İndi olmuş qurd-quşların yatağı,Gün batanda sönər bütün çırağı,Və bəldətin leysə ləha ənisü,İllel yeafirü ve illel isü.

زمان گچیر افق لرده توز قالیرکروان کیمی اوزاقلاردا توز سالیردومان گلیر یورکلری چولقلیریورک دیر زمان کچمه، آمان دورکچنلرده گوزوم وار بیر دایان ، دور

Zaman keçir, üfüqlərə toz qalır,Karvan kimi uzaqlarda toz salır,Duman gəlir, ürəkləri çulqayır,Ürək deyir: "Zaman, keçmə, aman dur,Keçenlərdə gözüm var, bir dayan dur " .

روزگارین دگیرمانی فیرلانیرمخلوق اونون دیشلرینه تولانیرباخ که گنه بشر نجه آلانیرهمیشه لیک شادلیق بیلیر اؤزینهقبری گؤرور توز قوندورمور یوزینه

Rüzigarın dəyirməni fırlanır,Məxluq onun dişlərinə tullanır,Bax ki, bəşər, gənə necə allanır,Həmişəlik şadlıq umur özünə,Qəbri görür, toz qondurmur üzüne.

کهنه لرین سور سموکی دارتلوپقورتولانون چول چوخاسی یرتلوپملا ابراهیم لاپ اریوب قورتلوپشیخ الاسلام سهمان قالوپ قبراخدینوروز علی قاچاق گچیپ قوچاخدی

Köhnələrin sür-sümüyü dartılıp,Qurtulanın çul-çuxası yırtılıp,Mol İbrahim lap əriyip, qurtulupŞeyxəlislam səhman qalıp qıvraqdır,Novruzəli qaçaq keçip, qoçaqdır.

عاهیلارون یتمش کفن چورودوپجاهیلاری دنیا غمی کریدوپقیز گلینلر ات جانلاری اریدوپرخشندهنین نوه دوتور الینیننه قزین کورکنی گلینی

Ahılların yetmiş kəfən çürüdüp,Cahılların dünya qəmi kiridip,Qız-gəlinlər ət-cannarın əridip,Rəxşəndənin nəvə dutur əlini,Nənəqızın kürəkəni, gəlini.

چوق شکری وار، گنه گلدوخ گوروشدوخایتنلردن بیتنلردن سوروشدوخکوسموشدوخ، آلله قویسا باریشدوخبیرده گوروش قسمت اولا، اولمیهعمرلرده فرصت اولا، اولمیه

Çox şükrü var, ginə gəldux, görüşdux,İtənlərdən, bitənlərdən soruşdux,Küsmüşdux da, Allah qoysa barışdux,Bir de görüş qismət ola olmıya,Ömürlərdə fürsət ola olmıya.

بوردا خیال میدانلاری گنیشدیداغلار داشلار بوتون منله تانیشدیگورجک منی حیدربابا دانیشدیبو نه سسدر سن عالمه سالوپسانگل بیر گورک اوزون هاردا قالوپسان

Burda xıyal meydannarı genişdi,Dağlar-daşlar bütün mənlə tanışdı,Görçək məni Heydərbaba danışdı,Bu nə səsdir, sən aləmə salıpsan ?Gəl bir görək, özün harda qalıpsan?

کجاویله بو چایدان چوق گچمیشیکبو چشمه لردن نه سولار ایچمیشیکبو یونجالیقلاردا کسوب بیچمیشیکچپیشلری قیدیخلیان گونلریمچپیش کیمی اویناخلیان گونلریم

Kəcavəylə bu çaydan çox keçmişik,Bu çeşmədən sərin sular içmişik,Bu yoncalıqlarda əkip-biçmişik,Çəpişləri qıdıqlıyan günnərim,Çəpiş kimi, oynaqlıyan günnərim.

بو خرمنده آرادان خیر اویناردیخجومالاشوب قاریشقا تک قایناردیخیواش یواش باخچالارا آغناردیخآغاجلاردان چلینک آغاج کسردیکقوروخجونون قورخوسوندان اسردیک

Bu xərmanda "aradan xır" oynardıq,Cumalaşıp qarışqa tək qaynardıq,Yavaş-yavaş baxçalara ağnardıq,Ağaşlardan çəling, ağac kəsərdik,Qoruqçunun qorxusundan əsərdik.

بو طوله ده ساری اینک دوغاردیخانم نم اینکلری ساغاردیآنا ایسی دام دیواردان یاغاردیمن بزوی قوجاقلاردیم قاشماسیندیردی باخ بایدا دولسین داشماسین

Bu tövlədə sarı inək doğardı,Xanım nənəm inəkləri sağardı,Ana iysi dam-dibvardan yağardı,Mən buzovu qucaqlardım qaşmasın,Deyərdi bax, bayda dolup daşmasın.

بو داملاردا چوخلی جزیخ آتموشاماوشاقلارین آشیقلارین اوتموشامقورقوشوملی سقه آلوپ ساتموشاماوشاق نجه هیچ زادینان شاد اولارایندی بیزیم غمی دوتمور دنیالار

Bu damlarda çoxlu cızıq atmışam,Uşaqların aşıqların utmuşam,Qurquşumlu sakqa alıp satmışam,Uşaq necə hç zadınan şad olar?İndi bizim qəmi dutmur dünyalar.

مکتب قالیر اوشاقلار درس آلیللارهی یازیللار هی پوزیلار، یالیللارملا ابراهیم اوزی اوی قالیللارآما بیزیم یولداشلاردان قالان یوخبونلاردان بیر بیزی یادا سالان یوخ

Məktəb qalır, uşaqlar dərs alıllar,Hey yazıllar, hey pozullar, yalıllar,Mol İbrahim özü evi qalıllar,Amma bizim yoldaşlardan qalan yox,Bunlardan bir bizi yada salan yox.

بیر وقتینده بو مکتب پرگار ایدیبیر مسیب، بیر ممدسن وار ایدیبیری خلفه، بیری ورزشکار ایدیآخود بیزله اویناماغا گدردیازی بیزه اویناماق ارگدردی

Bir vaxtında bu məktəb pərgar idi,Bir Müseyyib, bir Məmdəsən var idi,Biri xəlfə, biri vərzişkar idi.Axud bizlə oynamağa gedərdi,Özü bizə oynamaq öyrədərdi.

ددیم بالام او مدسن نولوپدیمعلوم اولدی طفیل جوان الوپدینه وار نه وار، بورنونان قان گلوپدیبیر یل اسیر باخیرسان ممدسن یوقبو کتده بیر بورون قانین کسن یوق

Dedim balam, o Məmdəsən nolupdu?Mə'lum oldu, tifil bala ölüpdü,Nə var, nə var, burnundan qan gəlüpdü,Bir yel əsir, baxısan Məmdəsən yox,Bu kətdə bir burun qanı kəsən yox.

دیم دیون مسیبه نه گلدیغلام گوردوم آغلار گوزیله گلدیدی اودا بهالیق دوشدی الدیدیم یازیق بیزله حاصیل بلنلربیتمینده آجلارینان النلر

Dedim deyin, Müseyyibə nə gəldi?Qulam gördüm ağlar göz ilə güldü,Dedi: "O da bahalıq düşdü, öldü."Dedim yazıq, bizlə hasıl bölənlər,Bitməyəndə aclarıdan ölənlər.

بو مکتبده شعرین شهدین دادمشامآخوندون آغزیندان قاپوپ اودمشامگاهداندا بیر آخوندی آلادمشامباشیم آغریر دیوپ قاچوپ گتمیشمباخچالاردا گدوب گوزدن ایتمیشم

Bu məktəbdə şe'rin şəhdin dadmışam,Axundun ağzından qapıp udmuşam,Gahdan da bir axundu alladmışam,"Başım ağrır"-deyip qaçıp getmişəm,Baxçalarda gedip gözdən itmişəm.

آزاد اولاندا مکتبدن چخاردیخهجوم وروپ بیریبرین سخاردیخیولدا هر نه گلدی وروب یخاردیخاوشاق دیمه ایپین قرمیش دانا دهبیر دانادا دیمه، اللی دانا ده

Azad olanda məktəbdən çıxardıq,Hücum verip birbirin sıxardıq,Yolda hər nə gəldi vurup yıxardıq.Uşaq demə, ipin qırmış dana de,Bir dana da demə, əlli dana de.

ملک نیاز ایتگین گدوپ یوخ اولوبامیر اصلان سکته ایله یخیلوبهره قاچوپ بیر دره ده سیخیلوبچرک غمی چیخوپ خلقین آیناهر کس قالوب اوز جاننین هاینا

Məlik Niyaz itgin gedip, yox olup,Əmir Aslan səktə ilə yıxılup,Hərə qaçıp bir dərədə sıxılup,Çörək qəmi çıxıp xalqın ayına,Hərkəs qalıp öz canının hayına.

کتدی یازیق چراغ تاپیر یاندیراگوروم سیزون برقوز قالسین آندیراکیم بو سوزی اربابلارا قاندیرانه دور آخر بو ملتین گناهیدوتسون سیزی گوروم مظلوملار آهی

Kətdi yazıq çıraq tapmır yandıra,Görüm sizin bərqiz qalsın andıraKim bu sözü ərbablara qandıra,Nədir axı bu millətin günahı?Dutsun sizi görüm məzlumların ahı.

هر نه آلیر بها وریر قیمتیاوجوز فقط اکینچینون زحمتیبیتندن آرتیق بیچنون اجرتیکند اوشاقی گدیر یولدا ایشلیهاوردا بلکه قندی تاپا دیشلیه

Hər nə alır baha verir qiyməti,Ucuz fəqət əkinçinin zəhməti,Bitəndən artıq biçənin ücrətiKənd uşağı gedir yolda işliyə,Orda bəlkə qəndi tapıp dişliyə.

کتدی گلین کیمی دنیانی بزراوز عورتی یاماخ یاماغه دوزرایگنه بزر خلقی ازی لوت گزرایندیده وار چرشابلاری آلباخدیاوشاقلارون قیش پاچاسی چیلپاخدی

Kətdi gəlin kimi dünyanı bəzər,Öz övrəti yamaq yamağa düzər,İynə bəzər xalqı, özü lüt gəzər.İmdi də var çərşabları, albaqdır,Uşaqların qıpaçası çılpaqdır.

بو باخچادا آش ترهسی اکردیکهی سو آچوپ کردیه گوز تیکردیکچیقماق همین دریپ آشا تکردیکفینقلشلار قاشیقلاردان آسلانییاغلی دیسم قوری آغزون ایسلانی

Bu baxçada aş tərəsi əkərdik,Hey su açıp kərdiyə göz tikərdik,Çıxcaq həmin dərip aşa tökərdik.Fınqılışlar qaşıqlardan aslanır,Yağlı desəm quru ağzın ıslanır.

بو دشلرده قوزیلاری یایاردیخآخماسونلار اولدوز تکین سایاردیخقوش قوانی چکوب داشا دایاردیخقوش قوان دا ایله بیل که قاباندیقورد اوزاقدان دیر بس که چوباندی

Bu döşlərdə quzuları yayardıq,Axmasınlar ulduz təkin sayardıq,Quşqovanı çəkip daşa dayardıq,Quşqovan da elə bil ki, qabandır,Qurd uzaqdan deyər bəs ki, çobandır.

خانم ننم ناخوش اولان ایلیدیقیش وار ایکن کولکیدی، یلیدیقیشدا چیخدی یاغیشیدی سلیدییوک یاپنی هی چاتیردوخ که گداخسل چیمخروب، مجبوریدوخ قیداخ

Xanım nənəm naxoş olan il idi,Qış var ikən külək idi, yel idi,Qış da çıxdı yağış idi, sel idi.Yük-yapını hey çatırdux ki, gedax,Sel çımxırıp məcbur idux qayıdax.

نیسان دوشدی بیزده دوشدوخ یاغیشاکیم باجارا سیللریله بوغیشاهی دیردوخ بلکه یاغیش یغیشابالا کیشی فایطونچمیز گلمیشدیامامیه قهوهسنده قالمیشدی

Neysan düşdü, biz də düsdük yağışa,Kim bacara sellər ilə boğuşa,Hey deyirdik bəlkə yağış yığışa,Balakişi, faytonçumuz gəlmişdi,İmamiyə qəhvəsində qalmışdı

بو زمیده گدوپ گوزدن اتردیکتونقال قوروپ سوتوللری اتردیکدیوپ گولمک مرادینه یتردیکایلده گولسون، مرادینه یتیشسونیورکلرین یارالاری بیتیشسون

Bu zəmidə gedip gözdən itərdik,Tonqal qurup sütülləri ütərdik,Deyip-gülmək muradına yetərdik,El də gülsün, muradına yetişsin,Ürəklərin yaraları bitişsin.

خلورچیلر بوردا خلور داشیردیبو کولوکدن الاخلار دیرماشیردیسلر کیمی، نعمت آشوپ داشیردیهر ایش دییدون هر کیمه گورردیجان درمانی ایستییدون ورردی

Xalvarçılar burda xalvar daşırdı,Bu küllükdən ulaqlar dırmaşırdı,Sellər kimi ne'mət aşıp-daşırdı,Hər iş deyəydin hər kimə görərdi,Can dərmanı istəyəydin, verərdi.

ایندی بشر آج قورد تکین اودوخوپچومبلنتی گوز قجردوپ دوروخوپباخیلار که گورسونر کیم سینخوپتوکولسنلر اونون لشین یرتسونلارهره بر دیش انسه سیندن قیرتسونلار

İndi bəşər ac qurd təkin uduxup.Çömbələnti göz qıcırdıp duruxup.Baxıllar ki, görsünlər kim sınıxıp ?Tökülsünlər onun leşin yırtsınlar,Hərə bir diş ənsəsindən qırtsınlar.

حیدربابا سنده دفینه لر وارداغلار ودیعه سی، خزینه لر وارآما سنه بنزرده سینه لر واربو سینه لر داغلاریله دانشورداغلار کیمی گوگلریله قونشور

Heydərbaba, səndə dəfin"lər var,Dağlar və'dəsi, xəzinələr var,Amma sənə bənzər də sinələr var,Bu sinələr dağlar ilə danışır,Dağlar kimi göylər ilə qonuşur.

گور هاردان من سنه سالدیم نفسیددیم قیتر، سال عالمه بو سسیسنده یاخشی سیمرغ ایتدون مگسیسان که قاناد وردون یله نسیمههر طرفدن سس وردیلر سسیمه

Gör hardan mən sənə saldım nəfəsi ?Dedim qaytar aləmə sal bu səsi,Sən də yaxşı Simurq etdin məqəsi,Sanki qanad verdin yelə, nəsimə,Hər tərəfdən səs verdilər səsimə.

حیدربابا سنی وطن بیلمیشدیموطن دیوب باش گتوروپ گلمیشدیمسنی گؤروب گؤزیاشیمی سیلمیشدیمحلبو که لاپ غملی غربت سندیمیشقارا زندان، آجی شربت سندیمیش

Heydərbaba, səni vəTən bilimişdim,Vətən deyip baş götürüp gəlmişdim,Səni görüp göz yaşımı silmişdim,Halbuki, lap qəmli qürbət səndəymiş,Qara zindan acı şərbət səndəymiş.

.کیم قالدی که بذه بوغون بورمادیآتدان آتدان بزه کلک قورمادیبیر مرد اوغول بزه هاوار دورمادیشیطانلاری قوجاقلیوب گزدیر سیزانسانلاری ایاخلیوب ازدیر سیز

Kim qaldı ki, bizə buğun burmadı ,Atdan atdan bizə kəl"k qurmadı,Bir mərd oğul bizə havar durmadı,Şeytanları qucaqlayıp gəzdiz siz,İnsanları ayaqlayıp əzdiz siz.

دووار اوجالدی گون بیزه دوشمدیزندان قارالدی گؤز گؤزی سشمدیگؤندوز گؤزی منیم لامپام گشمدیسلده باسدی اموز دولوپ گؤل اولدیچوق یازیغین اوی چونوپ چول اولدی

Duvar ucaldı, gün bizə düşmədi,Zindan qaraldı, göz-gözü seşmədi,Gündüz gözü mənim lampam geşmədi,Sel də basdı emmiz dolup göl oldu,Çox yazığın evi çönüp çöl oldu.

اول باشی مندن استقبال اتدیزسونان چونوب ایشیمده اخلال اتدیزاوز ظنوزجه استادی اغفال ایدیزعیبی یوقدور کچر گدر عمردورقیشدا چیخار، یوزی قارا کمردور

Əvvəl başı məndən istiqbal etdizSondan çönup işimdə ixlal etdiz,Öz zənnizcə üstadı iğfal etdiz,Eybi yoxdur, keçər gedər, ömürdür,Qış da çıxar, üzü qara kömürdür.

منیم یولوم محبت جاده سیدیسؤن سؤزلریم حقون اراده سیدیمحبتون رسالت وعده سیدییوخسا منده بیر کسیله غرض یوخسیاست آدلی منده بیر مرض یوخ

Mənim yolum məhəbbət caddəsiydi,Son sözlərim Hakqın iradəsiydi,Məhəbbətin risalət və'dəsiydi,Yoxsa məndə bir kəs ilə qərəz yox,Siyasət adlı məndə bir mərəz yox.

حق نه دیور؟ کفره قارشی گتمیوزنوردان چیقوب ظلمات ایچره ایتمیوزفریلداغا فرفرا تک بتمیوزگوردوزده که اولمادی کفرین دیبیپولدا ورسه آلماغا تیکمیش جیبی

Haq nə deyir? Küfrə qarşı getməyiz,Nurdan çıxıp zulmat içrə itməyiz,Fırıldağa fırfıra tək bitməyiz,Gördüz də ki olmadı küfrün dibi,Pul da versə almağa tikmiş cibi.

شیطان بیزیم قیبله میزی چوندریبآلله دین یولدان بیزی دوندریبایلانلی چشمه یه بیزی گندریبمنت قویور که آرخوز نهر اولوببیز گوروروک سولار بیزه زهر اولوب

Şeytan bizim qibləmizi çöndərip,Allah deyən yoldan bizi döndərip,İlanlı çeşməyə bizi göndərip,Minnət qoyur ki, arxıvız nəhr olup,Biz görürürk, sular bizə zəhr olup.

حیدربابا گلیلیخ دان نه چیخارظلمون اوین صبر و تحمل ییخاردرویش اولان صبرون الین برک سیخارگل قیداخ چیقاق آقا دوزینهگچاق گنه محبتون سوزینه

Heydərbaba, gileylikdən nə çıxar ?Zülmün evin səbri-təhəmmül yıxar.Dərviş olan səbrin əlin bərk sıxar.Gəl qayıdaq cıxaq Ağadüzünə,Keçək ginə məhəbbətin sözünə.

دینه اوشاق بیربریله سازاولسونبلکه بو قیش بیرده چونوب یاز اولسونچای چمن لر اردک اولسون غاز اولسونبیزده باخوب فرحلنوب بیر اوچاقسنیق سالخاخ قانادلاری بیر آچاق

Deynə uşaq birbiriylə saz olsun,Bəlkə bu qış bir də çönüp yaz olsun,Çay-çəmənlər örd"k olsu, qaz olsun,Biz də baxıp fərəhlənip bir uçaq,Sınıq-salxaq qanadları bir açaq.

بو باخچادان آلچالاری درردیکقیش آدینا چیقوب دامدا سرردیکهی ده چیقوپ یالانان چوندرردیکقیش زومارین یایدا ییوب دویاردیقبیر کلی ده منت خلقه قویاردیق

Bu baxçadan alçaları dərərdik,Qış adına çıxıp damda sərərdik,Hey də çıxıp yalandan çöndərərdik,Qış zumarın yayda yeyip doyarduq,Bir küllü də xalqa minnət qoyardıq.

اولر قالیر اوصاحبی یوق اوزیاجاقلارین آنجاق ایشیلدیر گوزیگدنلرین چوق قلیپدور سوزیبیزدنده بیر سوز قالاجاق آی آمانکیملر بیزدن سالاجاق آی آمان

Evlər qalır, ev sahibi yox özü,Ocaqların ancaq işıldır gözü,Gedənlərin az çox qalıpdır sözü,Bizdən də bir söz qalacaq, ay aman !Kimlər bizdən söz salacaq, ay aman !

بیزدن سورا کرسیلرین توینداکندین ناغیلاریندا سوز سوینداقاری نه نه نین چاخماغیندا قوینداحیدربابا ازین قاتار سوزلرهعیشقی کیمی خمار ورر گوزلره

Bizdən sora kürsülərin tovunda,Kəndin nağılarında, söz-sovunda,Qarnənənin çaxmağında qovunda,Heydərbaba, özün qatar sözlərə,İşqi kimi xumar verər gözlərə.

عاشیق دیر بیر نازلی یار واریمیشعشقیندن اودلانوب یانار واریمیشبیر سازلی سوزلی شهریار واریمیشاودلار سونوب اونون اودی سونمیوپفلک چونوپ اونون چرخی چونمیوپ

Aşıq deyər bir nazlı yar var ımış,Eşqindən odlanıp yanar var ımış,Bir sazlı-sözlü Şəhriyar var ımış,Odlar sönüp onun odu sönməiyp,Fələk çönüp onun çərxi çönməyip.

حیدربابا آلچاقلارون کشگ اولسونبیزدن سورا قالانلارا عشق اولسونکشمشلرون گلنلره مشگ اولسوناولادیمیز مذهبنی دانماسونهر ایچی بوش سوزلره آلدنماسون

Heydərbaba, alçaqların köşq olsun,Bizdən sora qalanlara eşq olsun,Keçmişlərin gələnlərə məşq olsun,Övladımız məzhəbini danmasın,Hər içi boş sözlərə aldanmasın.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов