Söhbət
Bağışla, dostum – hecabaşı sərgili vəznim,Şerimin köməkçisi, əziz sevgili vəznim,Elimin yadigarı, səndən üz çevirmərəm.Səni döndərib külə küləklərə vermərəm.Sən mənim ilk eşqimin ilk dilmancı olmusan,Şerimin şəhərində dəyirmançı olmusan.Məndən ayrılmamısan, nə düyündə, nə yasda,Mənə yelkən olmusan, həm Kürdə, həm Arazda.
Şahidsən qəlbimdəki bütün sevincə, dərdə,Birgə addımlamışıq, ölümlü cəbhələrdə.Əbədidir səninlə kəsdiyim bu duz-çörək,Kim deyir köhnəlmisən, daha deyilsən gərək?!Keçməz bu iftiralar?!Şerimizdə azmıdır adınla ixtiralar?!Könlümün istəyilə səslənirsən, dinirsən,Gah ipəyə dönürsən, gah dəmirə dönürsən.Vaxtilə cürətinlə,Tükənməz qüdrətinlə,Nəbinin, Koroğlunun dilində səslənmisən,Döyüşlərdə silahtək əlində səslənmisən,Ey ulu babalardan bizə xəbər verən dost,Vidadini, Vaqifi, Ələsgəri görən dost,Başqa vəznlər də var,onları danmıram mən,Böyük zəmanəmizə gərəksiz sanmıram mən.Mən nə əruza yadam,nə də sərbəstə yadam,Sənsən ən çox sevdiyim, bu, deyil mənim xatam.Vəznlər arasında sənin başqa yerin var,Aylı, ulduzlu gecən, günəşli səhərin var,Nə deyim bundan artıq, hamınız gərəksinizÜrəyimizdən qopan sözlərə dirəksiniz.Hər gün mənim oturub-durduğum sənsən, heca,Xalqımızın yanında başın ucadır, uca.Çox da yaşa dolmuşam, yenə döyüşlərdəyəm,Döyüşlərdə sanma ki, axırıncı yerdəyəmQoy sənin şan-şöhrətin səngərim, bürcüm olsun!Səni göz bəbəyimtək qorumaq borcum olsun!
Kitabxana.az · https://kitabxana.az/ru/works/suleyman-rustem-sohbet
Клавиши ← → для перехода, R — случайное стихотворение
Другие произведения автора
Təbrizli gözəl qız, yenə eşqimdə düzəm mən,Məndən uzaq olsan belə, üstündə gözəm mən.
Hardadır?Öyrənin, ey durnalar, təbrizli yarım hardadır,Ellərin istəklisi, gülüzlü yarım hardadır?
Təbrizli gözəllərDünyaya dəyər nazlı, siyah gözlü gözəllər,Baldan da, şəkərdən də şirin sözlü gözəllər.
Qəbrimə yazsın nəqqaşEy gözəl Təbrizimin dilbəri, gəl vəslə yol aç,Sənin hicrində ürəkdən süzülür gözlərə yaş.