Dənizdən gəlirəm...
Elə ki, sahilə yanaşır gəmi,Görüş həsrətilə ürəklər əsir.Sevincdən atılıb yerə quş kimi,Evlilər həmişə evə tələsir.
Nişanlı cavanlar ləngiyir bir az,Onların mazutdan üzü parlayır.Qızla bu görkəmdə görüşmək olmaz. –Üstünü-başını hey tumarlayır.
Sahilə çıxırlar təzə bəy kimi,Hərə öz yarının girir qoluna...Burda subayların var öz aləmi,Tələsmir, can atmır onlar heç yana.
Buruqdan ucadır cüssələr, boylar,Yanır ürəklərdə məhəbbət közü.Sahili gözüylə yeyib subaylar,Bəs niyə bağlanıb qızların gözü?
Mən də qayıtmışam evə dənizdən,Suların bağrını yarmaqdır peşəm,Küləyin, tufanın nərəsindən mənMehriban səsini eşitməmişəm.
Məni caynağında sıxmış dalğalar,Qəzəbli başımdan aşmış dənizin.Qəlbimdə balamı qucmaq eşqi var, –Qoy tumbul əlləri saçımda gəzsin.
İsinsin nəfəsim hərarətimlə,Tufanlı qəlbimdir əsib, köyrələn.Gəl məni qarşıla öz şəfqətinlə,Sevgilindir gələn, ərindir gələn.
Baxıram, səs-səmir gəlmir otaqdanPişik də qısılıb küncə uyumuş.Çay dolu stəkan bəlkə o vaxtdanMasanın üstündə qalıb soyumuş.
Ürək az qalır ki, qopsun sinəmdən,Gözüm öz evimə baxır nigaran,Sənin çarpayına yanaşıram mən,Nə şirin yatmısan, şirin yatmısan.
Yuxumu görürsən gülümsəyərək?Qəlbin Xəzərdədir, fikrin dərində.Buludda gizlənən qoşa ulduz təkGözlərin gizlənmiş kipriklərində.
Bilirəm görürsən orda ərini,Arabir sifətin nura bürünür,Arabir sıxırsan hörüklərini,Yəqin gözlərinə dalğa görünür.
Bu gün qalib kimi çəkilib adım,Gərək eşidəydin bu xəbəri sən,Bilsən oyatmağa səni qıymadım,Səhər özün məndən inciyəcəksən.
Körpə də neçə yol səni oyatmış,Yanına salmısan şirin dəcəli.Başını sinənə söykəyib yatmış,Şəklimin üstündə qalmış bir əli.
Ey könül istəyim, könül harayım,Sənin bal yuxuna acı qatmaram,Özüm qızdıraram xörəyi, çayı,Səni oyatmaram, yox, oyatmaram.
Bilirəm fikrində nələr dolanır,Kimdir işıq verən təbəssümünə:“Buruğun başında bir çıraq yanır,Sahilə iki göz zillənmiş yenə...”
Yuxuda, yuxzuda görürsən bunu,“Yaxşı ki, sakitdir dəniz” – deyirsən.Sevgilim, dənizin coşğunluğunuSənə gətirmişəm ürəyimdə mən.
Kitabxana.az · https://kitabxana.az/ru/works/tofiq-bayram-denizden-gelirem
Клавиши ← → для перехода, R — случайное стихотворение
Другие произведения автора
Ədəbiyyat nəsib deyil hər sənətkara,Hər keçənin evi dönüb muzey olmayır.
Cavanlar... cavanlar...Ay mənə süd verən ağbirçək ana,Ay mənə dərs deyən əziz müəllim.
Səttar möcüzəsiŞəninə hər yerdə tərif, söz olub,Rəqibin az olub desəm düz olmaz.
VurğunVurğunun saçları vaxtsız ağardıGümüş dalğalar qondu başına.
Стихи других поэтов
Yoxdur mənə səndən uca, səndən böyük insan,Rəhmət sənə, rəhmət, Ata, insanlığa şansan!
Deyişmə: Başına döndüyüm, qurban olduğum— İsmayıl:Başına döndüyüm, qurban olduğum
Əli bəy FulatovaNədən azürdəsən, ruhi-rəvanım, bisəbəb məndən?Biməhdillah ki, zahir olmayıb tərki-ədəb məndən.
Mürəbbə: Başına döndüyüm, ey şahi-xubanBaşına döndüyüm, ey şahi-xuban,Şikəst verir yeni aya qaşların,