Dil bilən, söz anlayan bir nazlı yar istər könül
Dil bilən, söz anlayan bir nazlı yar istər könül,Lalədən, güldən gözəl, bir novbahar istər könül.
Etibarın görməyincə sevmərəm bir dilbəri,Nazənin məhparələrdən etibar istər könül.
Hər qara zülfün əsiri olmaram bundan sora,İndi aləm özgədir, xoş ruzigar istər könül.
Oynayıb gülmək, danışmaq, eyşü nuş əyyamıdır,Bülbüli-şeyda kimi min laləzar istər könül.
Hər tərəf güldür, çiçəklikdir, bu azad ölkəmiz,Daim öz xoşbəxt xalqın bəxtiyar istər könül.
Biz vətən mülkün həqiqətdə sevən aşiqlərik,Xaini, ədnanı yurdumdan kənar istər könül.
Bəxtəvər, Vahid, o kəslərdir bu xoş aləmdədir!Hər zaman bu şən həyatı payidar istər könül.
Kitabxana.az · https://kitabxana.az/ru/works/vahid-dil-bilen-soz-anlayan-bir-nazli-yar-ister-konul
Клавиши ← → для перехода, R — случайное стихотворение
Другие произведения автора
Mail oldu könlüm ol mahin ruxi-zibasinə,Payibənd oldu siyəh geysuyi-müşkasasinə.
Məcnuna deyən yoxdur: “Ey aşiqi-biçarəMəcnuna deyən yoxdur: “Ey aşiqi-biçarə,Leyliylə nə karın var, qoysun səni avarə”?
Hər kim mənə tən eyləsə meyxanələr içrəHər kim mənə tən eyləsə meyxanələr içrə,Qan olsun onun badəsi peymanələr içrə.
Ey namə, tez yetir özünü yar olan yerəEy namə, tez yetir özünü yar olan yerə,Bülbüldən ərzi-hal elə, gülzar olan yerə.
Стихи других поэтов · О любви
Doğarmı ay u gün göydəYüzün tək mah olan yerdə
On səkkiz yaşında...Çatır son mənzilə ömrün karvanıƏlli il yol gəldik bu səhrada biz.
Bu Leyli LeyliEy ağalar, mən bu dərdə düşməzdimMəni dərdə saldı bu Leyli Leyli
Məhəmməd bəy Arifə cavabMən kimi xəstəyə əlbəttə ki, həmam gərək,Necə kim aşiqə bir yari-güləndam gərək.