Fələk, bu hali-zarimdən mənim əhli-cahan ağlar,Fəraqi-yaridə könlüm edib hərdəm fəğan ağlar.

Gözümdən caridir əşkim, misali çeşməyi-Ceyhun,Düşə bir qətrəsi ümmana, izhari-nihan ağlar.

Yamandır aşiqin ahı, deyirlər, imtahan olmuş,Tuta bir dəfə gər yarı, yəqinən hər zaman ağlar.

Tapılmaz heç də dərmanı, olar daim gözü giryan,Mənim tək bəstəri-qəmdə verər həsrətlə can, ağlar.

Görə gülşəndə gər bülbül gül ilə xarı bir yerdə,Bəziri-pər çəkib güllər, olunca ta xəzan ağlar.

Uçub mürği-könül təndən, dolanır kuyi-dilbərdə,Çəkər yari-sitəmkarə, fədai-əlaman, ağlar.

Nigara, Vahidi giryan qılıbdır cəzbeyi-eşqin,Edibdir sərvi qəddin firqətin misli-kəman, ağlar.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви