Düşəndə türreyi-dilbər xəyalə axşamlar,Məhəbbət əhli düşər min məlalə axşamlar.

Şikəstə bülbülə bənzər bəla çəkən aşiq,Gülündən ötrü edər ahü nalə axşamlar.

Gündüzlər aşiqə tən etmə ki, gülüb danışır,Salar fəraqın onu, gör, nə halə axşamlar.

Düşəndə zülfün üzə, qaşların xəyalə gəlir,Batanda gün baxar aləm hilalə axşamlar.

Şərabı yarsız içsən, bir az da qəm gətirər,Gülüzlü yar ilə ol həmpiyalə axşamlar.

Bir özgə ləzzəti var, aşiq ilə məşuqəRəqibsiz yetələr gər vüsalə axşamlar.

Müyəssər olmasa gündüz sənə şərab içmək,Unutma, Vahid, onu laməhalə axşamlar.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви