Saqiya, bir bu deyil nəşəsi peymanəmizin,Hələ bundan soradır ləzzəti meyxanəmizin.

Biz gərək badeyi-gülgunü həkimanə içək,Pozmayaq rövnəqini məclisi-məstanəmizin.

Ayağın öpməliyik xadimi-meyxanələrin,Bəlkə, cam içrə görək əksini cananəmizin.

Zülf şövqiylə olaq məst, bütün aqillərQalsın idrakinə heyran dili-divanəmizin.

Biz haman rindi-xərabatiyi-bibaklərik,Söhbəti indi də dillərdədir əfsanəmizin.

Dərd əlindən bu qədər çəkdiyimiz nalələrəNə gəlir yarımızın rəhmi, nə biganəmizin.

Eşq zəncirinə Vahid də giriftar oldu,Azdı guya, biri də artdı bu divanəmizin.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви