Fərzəndi-əziz
Mirzə Fətəliyə
Yazıbsan ki, imperator sipahıDunay çayın keçib bir səhərgahı.Həq-təala özü olur pənahı,Şahənşah qoşunu şəhr alan gərək!
Şahbazə nə elər hücumi-kəlağ!Tülək tərlan yerin tutmaz yapalağ!Qələt fikrə düşüb bir neçə sarsaq,Olara tənbihi-bipayan gərək!
Qiylü qalə düşməz kim olsa aqil,Həq bilir-hər üçü zaildi, zail;Durmağa ləşkəri-rusə müqabilDəmirdən baş, poladdan da can gərək!
Düşübdür Osmanlı xəyali-xamə,Xahişi var işin sala nizamə.İngilisin günü üz qoyub şamə,Görələr qəzayi-asiman gərək!
Tez azışdı əlhəq kiçik Napolyon,Əmisi tək şəksiz olacaq məğbun.O nə ki, iş tutur həddindən əfzun,Toxuna bəlayi-nagəhan gərək!
Bu il neçə iqlim olubdur pərxaş,Xiffəti-urusa edirlər təlaş.Ayağın döşünə yığıb qızılbaş,Dost dostu eyləyə imtahan gərək!
Qarabağ atlası dostəbədəstə,Top almaqdır sənətləri peyvəstə;Döyüşdə at salıb Osmanlı üstə,Cərgələrin edə pərişan gərək!
Elə dövlət devil dövləti-urus,Hər nakəs eyləyə üstündə cülus,Paşaları yıxa misli-Əşkəbus,Yox edə, – Rüstəmi-dasitan gərək!
Hifzü himayəti-dövləti –aliEvləmiş bizləri xətərdən xali;Ömnü amandadır malü əyali,Bu şükrü eyləyə müsəlman gərək!
Cəhd elə olasan düşmənə faiq,Döyüş günü künçə girmək nə layiq?Ağanın yolunda nökəri-sadiqBaş verib, baş alıb, tökə qan gərək!
Naib olub gedib damadım Əli,Yayın axarında, inşallah, gəli;Osmanlı qovuğu, firəng şinəliGətirə mənimçin ərməğan gərək.
Qoşunda var bizdən yenə dilavər,Biri Nəcəfqulu, biri İsgəndər,Göstərib hər biri cəngdə hünər,Lütfi-şəhənşahdan kamiran gərək.
Kitabxana.az · https://kitabxana.az/ru/works/zakir-ferzendi-eziz
Клавиши ← → для перехода, R — случайное стихотворение
Другие произведения автора
Görmüşəm nüsxədə bir türfə misal,Əyyami-sabiqdə bir qurd, bir çaqqal.
Dəvə və eşşəkGörmüşəm nüsxədə bir şərhü bəyan,Yük tutub sabiqən tüccari-İran,
Tülkü və qurdBir rubəhi-kühənsalə gedirdi,Qismət üçün seyri-aləm edirdi.
Tülkü və şirƏyyami-sabiqdən edim hekayət,Müstəme olanlar aparsın ləzzət.
Стихи других поэтов
Gör necə dönübdür dövri-zamanə,Vay günüdür müsəlmana vay günü,
EylərEy ağalar məni niyə qınarsızEyləsə dərdimə bu dərman eylər
Şol mübarək zatına işim sənadır, ya nəbiŞol mübarək zatına işim sənadır, ya nəbi,Asilik bimarına adın şəfadır, ya nəbi.
OluramUzaq yoldan gələn yarım,Yoluna qurban oluram,