Mənim dərdim
Demə sənin nə dərdin var,Dərdli dilim – mənim dərdim.Əlimdən əliboş gedənAyım, ilim – mənim dərdim.
Yox Babəkim, yox Qorqudum,Çalınmaz qopuzum, udum.Yurd yerində sönən odum –Qalan gülüm – mənim dərdim.
Loğman aciz, yara dərin,Gözüm ağlar sərin-sərin.Tağı çökmüş Xudafərin,Sınan belim – mənim dərdim.
Həsrət gördü, boyun bükdü,Bu Təbrizdi, o Kərkükdü.Bir daşınmaz ağır yükdüDaşan selim – mənim dərdim.
Gedəmmirəm yasa, toya,Tarix buna nə ad qoya.Mərəndə, Zəncana, XoyaÇatmaz əlim – mənim dərdim.
Öz evinə qonaq düşən,Yüz yerinə yamaq düşən,Yaxın olub, uzaq düşənObam, elim – mənim dərdim.
Çənlibelim, çeşməm, çayım,Unudulan haqqı-sayım,Kəsilən nərəm, harayım,Susan dəlim – mənim dərdim.
Saçım ağdı, bəxtim qara,Tapdaq oldum hər çapara.Torpaq kimi para-paraBölüm-bölüm – mənim dərdim.
Qəlbim sinəmdə yasdadı,Qılıncım qında pasdadı.Ümidim yenə dostadı,Ümid yolu – mənim dərdim.
Daha bəsdir, könlüm, ayıl,Səsin gəlsin, seçil, sayıl.Yaralanmış Şah İsmayıl,Sultan Səlim – mənim dərdim.
Mən piyada, kədər atlı,Mən qanadsız, o qanadlı.Müşfiq, Cəfər, Vurğun adlıVaxtsız ölüm – mənim dərdim.
Saydığını saydı həyat,Arzularım oldu boyat.Bax belə gün, belə saat,Belə zülüm – mənim dərdim.
Kitabxana.az · https://kitabxana.az/ru/works/zelimxan-yaqub-menim-derdim
Клавиши ← → для перехода, R — случайное стихотворение
Другие произведения автора
Стихи других поэтов
Ты попал в беду, бедняк? Что ж такого? Примирись!Гибнет с голоду семья? Что же, снова примирись!
Olmayaydı məndə, ya rəb, bu məhəbbət kaş kiOlmayaydı məndə, ya rəb, bu məhəbbət kaş ki,Ya ki hərgiz olmayaydı dərdi-firqət kaş ki.
Gəraylı: Nə baxarsan oğrun-oğrunNə baxarsan oğrun-oğrun,Oxşar marala gözlərin,
Şərareyi-ruhTükəndi ömri-qiymətdarımız bidad altında!Qarardı nuri-iste'dad istibdad altında!