O yerlər
Dolansanız doğulduğum yerləri,Yaddaşımdan xəbər verər o yerlər.Hansı gündə sevda dolub başıma,Ataşımdan xəbər verər o yerlər.
Mənim kimi selə dönüb axsanız,Baxışlarda şimşək olub çaxsanız,Bulaq üstə gözəllərə baxsanız,Göz-qaşımdan xəbər verər bu yerlər.
Nur payladım qohumlara, yadlara,Sevinc verdim qəmginlərə, şadlara,Nə zaman ki ömrüm getdi badlara,Qan-yaşımdan xəbər verər o yerlər.
Dar günümdə anam olub ağlayar,Bacım olub yaralarım bağlayar,Xatirələr çeşmə kimi çağlayar,Sirdaşımdan xəbər verər o yerlər.
Hər görüşdən bir heyrətə gələrsiz,Vətən deyib ziyarətə gələrsiz,Zaman gələr, ibadətə gələrsiz,Başdaşımdan xəbər verər bu yerlər.
2000, 23 mart
Kitabxana.az · https://kitabxana.az/ru/works/zelimxan-yaqub-o-yerler
Клавиши ← → для перехода, R — случайное стихотворение
Другие произведения автора
Стихи других поэтов
Quberniya bina olandan bəriOğrunun hər biri bir xanə dönüb
Mürəbbə: Huş ilə sevdiyim, dinlə zarımıHuş ilə sevdiyim, dinlə zarımı,Heç bundan ziyadə ah-zar olmaz.
Təbrizi görməyincəKönlümdə tufan olar,Könlüm boşalar, dolar,
Qəzəl: Şanənin qəsdi nədir çəkməz əlin birçəkdənŞanənin qəsdi nədir çəkməz əlin birçəkdən,Mən kimi aşiq olub zülfə məgər görcəkdən