Necə vurulmayım bu cəhcəhlərə,Dünya, mən baharam, mən yazam, — deyir.Hər süzülən sünbül, hər açan çiçək,Mən ərkəm, sevgiyəm, mən nazam, — deyir.

Heyranlıq yaradan, heyran qalan var,Gözəllik önündə seyrə dalan var.Nə ki yer üzündə qanad çalan var,Şahinəm, Şonqaram, Şahbazam, — deyir.

Allahın eşqiylə çağlayır bulaq,Tanrı duasıyla tərpənir dodaq.Kökünün üstünə əyilən budaq,Torpağa qılınan namazam, — deyir.

Ucalır zilinə, enir pəsinə,Haqq əli toxunur hər pərdəsinə.Zəlimxan səs verir haqqın səsinə,Mən taram, kamanam, mən sazam, — deyir.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви