Nə həkim, nə loğman, nə cərrah qaldı,Yazdırmışam hər dəvaya dərdimi.Mənim dərdim hər bir dərddən uludur,Nə nər çəkər, nə də maya dərdimi.

İgid odu mayasını pak tuta,El içində öz-özünü xak tuta.Tüccar gərək bu dərdimi yük tuta,Mirzə gərək yaza, saya dərdimi.

Aşıq Alı deyər, ay günü qara,Bulunmaz dərdimə gəl eylə çara.Yusif getdi satılmağa bazara,Gedin deyin Züleyxaya dərdimi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri