Gəl
Yekə - yekə çox danışma, ay gədə,Götür sazı, gir meydana, cəngə gəl.Kəl əvəzi səni də, qoşum kotana,El içində xar eyləyim, təngə gəl.
Söz- söhbətin çatıb bizim qazıya,Utan barı, bax yazdığın yazıya.Səni gördüm əhsən dedim tazıya,Buynuzunu sürtmə kələ, cöngə, gəl.
Qodom oğlu, çox bilirsən, az danış,Danışanda səndən qaçır dost- tanış.Bu millətə nəsib olub aldanış,Yürü, bala, asta yeri, küncə gəl.
Aşıq Heydər deyər sözün bu başdan,Döşə tər kababdan, təzə lavaşdan.Canını almamış, sürüş yavaşdan,Geyin, keçin başında bir dingə gəl.
Kitabxana.az · https://kitabxana.az/works/asiq-heyder-gel
← → düymələri ilə keçid, R — təsadüfi şeir