Mən bir aşiqəm ki, bu çaldığım sazDumanlı dağlara səs salacaqdır.Ağlatdım teldə inləyən avazElin xatirində çox qalacaqdır.

Doğrayacaq səsim dağda dumanı,Dinləyəcək məni dağın çobanı.Mən sorduğum zaman: sevdiyim hanı?Təbiət dəyişib yaz olacaqdır.

Qorxutmayır məni bu anmayanlar,İsrafil surindən oyanmayanlar.Göstərdiyim yola inanmayanlar,Bu yeni dünyada ad alacaqdır.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq