Allahın adı ilə
İbtidada “əlif” – Allah,“Be” – birliyə dəlalətdi.“Te” – təkdi vahidi-yekta,Arif bu elmə bələddi.
“Se” – sabitdi doğru yola,“Cim” – ucadı, bax calala,“He” – mehribandı halala,Münkir ondan xəcalətdi.
“Xe” – birdi xaliqi-əkbər,“Dal” – doğru doqquz fələklər,“Zal” – zikr eylə dildə əzbər,“Re” – rəsulumuz Əhməddi.
“Ze” – zəbanı aç xudaya,“Sin” – salam et, getməz zaya,“Şin” – şövq elə o mövlaya,Qeyri söhbət məsiyətdi.
“Sad” – səbri şahi-heydərə,“Zad” – zərbin vurdu Əntərə,“Ta” – tərif çıxdı göylərə,Ağam kani-şücaətdi.
“Za” – zülm edəcək düşmənə,“Eyn” – həyati-çeşmanə,“Ğeyn” – ğül-ğüli-dövranə,“Fe” – fəna, “qaf” – qiyamətdi.
“Kaf” – “kun” ilə tutub qərar,“Lam” – lal, necə hesab verər,“Mim” – möminə yol göstərər,Ismi-paki Məhəmməddi.
“Nun” – nida eylər hər zaman,“He” – hamıya yetər fərman,“Vav” – vay deyər, yatma, oyan,Sanma səhni-zərafətdi.
“Lam – əlifla” – birdi Allah,“Ye” – yekdi adil padişah.Ələsgər, tutduğun günahBağışlansa, çox hörmətdi.
Kitabxana.az · https://kitabxana.az/works/elesger-allahin-adi-ile
← → düymələri ilə keçid, R — təsadüfi şeir
Müəllifin digər əsərləri
El yeridi, yalqız qaldın səhrada,Çək əstərin, çal çatığın çata-çat.
Nədi adı (dodaqdəyməz təcnis)Şəriətlə təriqəti seçənlər,Təriqətlə həqiqətin nədi adı?
Nə yaxşı-yaxşıƏzizi-cani-dil, eyni-dirəxşan,Yazırsan risalə nə yaxşı-yaxşı.
Sə qalı tez-tezSarsaq ilə seyrə çıxsan səhraya,Gətirər sərinə sə qalı tez-tez.
Başqa şairlərin şeirləri · İlahi eşq
حکیم نبض صحیح از سقیم می داند
Axiri-dəhr nə mümkündü fənadən qeyriAxiri-dəhr nə mümkündü fənadən qeyri,Kimsə baqi degil aləmdə xudadən qeyri.
Müstəzad: Ey dil, gecələr sübhə dəkin yar eşiyindəEy dil, gecələr sübhə dəkin yar eşiyində — Əfqanə yetişdik,Rəhmi yox olan kafiri-bimar eşiyində — Sən cana yetişdik,
Ata-atYenə baş qaldırıb düşmən yuvadan,Dağlarda başlayıb, yenə at-a-at.