Qocalıram
Oyuna gendən baxıram,Axara düşüb axıram,Təklənirəm, darıxıram,Elə-belə qocalıram.
Daha üzüm o yanadı,İşim hamısı miyanadı,Hər an bir addım yanadı,Gilə-gilə qocalıram.
Öz qarnını güdə-güdə,“Kişi” oldu gədə-güdə,Onlardan gen gedə-gedə,Gələ-gələ qocalıram.
Yamanca tərsdi qocalıq,Yolumu kəsdi qocalıq,Bilirəm pisdi qocalıq,Bilə-bilə qocalıram.
Arvad-uşaq, bacı-qardaş,Yola salın yavaş-yavaş.Saçımda qar, kirpikdə yaş,Gülə-gülə qocalıram.
Gedən cana nə gələcəkFikrət Qoca gözünü çək,Görən deyir düzələcək!İldən-ilə qocalıram.
Kitabxana.az · https://kitabxana.az/works/fikret-qoca-qocaliram
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Həsrət ağrısını, vüsal qəminiAyrılıq oduna yananlar bilər.
Dərbəndə gəlSalam olsun sənə, ey aşiq Valeh,Hünərin var isə bu Dərbəndə gəl,
Qarı ilə deyişməAşıq Hüseyn*Sənə qurban olum nənə,
Yeriməz salik olan rahi-rizadən qeyriYeriməz salik olan rahi-rizadən qeyri,İstəməz arif olan cövrü cəfadən qeyri.