Nola zahid bilsə küfri-zülfün iman olduğun
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir.
Nola zahid bilsə küfri-zülfün iman olduğun,
Şimdi körmüşlərmidir kafir müsəlman olduğun.
Mən əgər aşiq olub, din verməsəydnm qarətə,
Kim bilirdi eşq mülkün kafiristan olduğun.
Qıl səvab, ey göz, töküb qan, vaqif et qafilləri,
Meyl edənlər eşqə bilsinlər ciyər qan olduğun.
Daşə bənzər qanlı hər pərkalə kim, gözdən çıxar,
Ondan etdim fəhm könlüm şəhri viran olduğun.
Vədeyi-vəslinə ol gündən ki, verdim könlümü,
Mən onun bilməzmidim axir pəşiman olduğun.
Eşqini asan görüb, oldum əsiri tifl ikən,
Bilmədim getdikcə bir aşubi-dövran olduğun.
Ey Füzuli, xublər vəslinə eylərsən həvəs,
Guiya bilməzmisən vəsl içrə hicran olduğun.
Kitabxana.az · https://kitabxana.az/works/fuzuli-nola-zahid-bilse-kufri-zulfun-iman-oldugun
← → düymələri ilə keçid, R — təsadüfi şeir
Müəllifin digər əsərləri
Mənim kim bir ləbi-xəndan üçün giryanlığım vardır,Pərişan türrələr dövründə sərgərdanlığım vardır.
Mənim tək hiç kim zarü pərişan olmasın, ya rəb!Mənim tək hiç kim zarü pərişan olmasın, ya rəb!Əsiri-dərdi-eşqü daği-hicran olmasın, ya rəb!
Mərhəm qoyub önərmə sinəmdə qanlı dağıMərhəm qoyub önərmə sinəmdə qanlı dağı,Söndürmə öz əlinlə yandırdığın çirağı.
Məskən, ey bülbül, sənə gəh şaxi-güldür, gəh qəfəsMəskən, ey bülbül, sənə gəh şaxi-güldür, gəh qəfəs,Necə aşiqsən ki, ahindən tutuşmaz xarü xəs.