Olur rüxsarına gün, ləlinə gülbərgi-tər aşiq
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir.
-Olur rüxsarına gün, ləlinə gülbərgi-tər aşiq**,
Sənə əskik deyil, göydən yağar, yerdən bitər aşiq.
Mənə məqsud tərki-eşq idi, vəh kim, meyi-hüsnün,
Olub gün-gündən əfzun, qıldı gün-gündən bətər aşiq.
Tamaşayi-cəmalından nəzər əhlini mən etmə,
Nə syd ol xub üzdən kim, ona qılmaz nəzər aşiq.
Çəməndə payibusindən olubdur səbzələr xürrəm,
Haman bir səbzəcə olmağa aləmdə yetər aşiq.
Qılırsan min ciyər qan, hər yana baxdıqca, ey zalim
Nə baxmaqdır bu, hər dəm qandan alsın bir ciyər aşiq?
Qırarsan əhli-eşqi, tutalım, kimsə əlin tutmaz,
Nə işdir bu, gərəkməzmi sənə, ey simibər, aşiq?
Nə pərvanə dözər bir şöləyə, nə şəm bir ahə,
Füzuli, sanma kim, bənzər sənə aləmdə hər aşiq.
Kitabxana.az · https://kitabxana.az/works/fuzuli-olur-ruxsarina-gun-leline-gulbergi-ter-asiq
← → düymələri ilə keçid, R — təsadüfi şeir
Müəllifin digər əsərləri
Deyiləm gül ki, tapam gülşən içində məskən.
Yandı göydə ulduz, ay, bir ah çəkdim dün səhərQorxuram bu gecə düşsün ərşə ahımdan şərər.
Könül ayinəsində əks olan, ey məhliqa, sənsənUnutsan da məni, bil, xatirimdə daima sənsən.
Aşiqəm, bir sənəmi-laləüzarım vardırBir də sevdalı başım, qəlbi-figarım vardır.