Göyü bulud alar, üfüq daralar,Bağı xəzan dalar, yarpaq saralar.Yerdə çöp alışar, torpaq qaralar,Sinədə dağ yanar, közü görünməz.

Zirvə buz bağlayar, döşə qış düşər,Dərəni su ovar, düzə daş düzər.Üzə yel toxunar, gözə yaş düşər,Qəlbdə tufan qopar, izi görünməz!

Hüseyn, sən hara, rahatlıq hara?!Dənizdə dalğalar verməyir ara.Fikir qar ələyər qara saçlara,Əməli görünər, özü görünməz!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar