Gözümü zirvədən çəkən deyiləm,Qartal qanadını salana kimi.Üzülüb cərgədən qalan deyiləm,Palıd böyrü üstə qalana kimi.

Təbim çeşmə-çeşmə qaynamaq istər,Çəmənlə qarışıb, qaynamaq istər,Xəyalım şəfəqlə oynamaq istər,Aranı çən-çiskin alana kimi.

Çox verib imtahan, Hüseyn Arif,Çağlar zaman-zaman, Hüseyn Arif.Getməz qulaqlardan, Hüseyn Arif,Son aşıq sazını çalana kimi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar