Vaxtsız köçməsin
Başqadır könlümdə eşqin həvəsi,Nə qış düşündürür, nə bahar məni.Açın radionu yayılsın səsim,Dinləsin atalar, analar məni.
Bir anlıq təsadüf, bir anlıq tufanNələr törətməyib,dərk edin barı.Qoruyun qəzanın tikanlarından,Çiçək balaları, gül balaları.
Nə çoxdur gündüzün, gecənin şəri,Daddıq ağrısını hər müsibətin.Bir misal da çəkim gəlmişkən yeriYaratmaq asandır, yetirmək çətin.
Qoruyun onları bağçada, bağdaEnişdə, yoxuşda, düzdə qoruyun.Şirin nəğmələri isti dodaqda,Qaynar gülüşləri gözdə qoruyun.
Yüzillik möhnətdir bir anlıq vaxt da,Adi küləyin də hökmünü duyun.Şamamanı tağda, qönçəni şaxda,Körpəni qucaqda, qolda qoruyun.
Nə yaman çırpınır ürəyim yenə,Qalxan ocağın da kül qorxusu var.Demək istəyirəm, qoy deyim yenə,Evin ev, çölün də çöl qorxusu var.
Sürücülər naşı, maşınlar şimşək,Şütüyür bir yanda, yanır bir yanda.Sərhəd keşiyində durduğumuz təkDuraq keşiyində övladların da.
Kitabxana.az · https://kitabxana.az/works/huseyn-arif-vaxtsiz-kocmesin
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Təbiət və bahar
Sevmişəm ta səni, ey muğbəçeyi-xəndan, deyiləm,Maili-sərv ü gül ü bağ-gülüstan deyiləm
Övzai-dəhrü kari-cahanü dövrü-ruzigarÖvzai-dəhrü kari-cahanü dövrü-ruzigar,Daim təğyir ilə təbdil qılıb şüar.
QəhvəQoymadı aynayi-dildə qübarı qəhvə,Nə əcəb olsa əgər məsti-xumarı qəhvə,
GörümBu yağışa dayanırmı dəmir, daş, görüm,Qalaydı xeyrin, ilahi, qapında kaş görüm!