Neçə il torpağı yaralayıb bel,Torpaq o torpaqdır, beldən xəbər yox.Neçə yol zirvəni paralayıb sel,Dağda da həmən dağdır, seldən xəbər yox.

Qurbağa gölü də coşub, çağlayıb,Çör-çöp də yığılıb yolu bağlayıb.Neçə yol qayanı yel ayaqlayıb,Qaya yerindədir, yeldən xəbər yox.

Azmı vaxtlı-vaxtsız tutuldum daşa,Dözdüm əziyyətə, düşdüm savaşa.Hüseyni el sevib, el çəkir başa, –Qurulan fitnədən, feldən xəbər yox.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən