ZAQS müdiri
Bizim ZAQS müdirimizEvlənmək üçün əsir;Özünə umac ovammır,Xalqa əriştə kəsir.
İşi kəbin kəsməkdir,Özü subay dolanır.Qızlar ərə getdikcə,Odsuz-ocaqsız yanır.
ZAQS idarəsindənO baxdıqca qızlara.Tamahından az qalır,Gözləri də qızara.
Nə olsun ki, bir qədər,Kasıbdır boy-buxundan.Ancaq dildə-ağızda,Dövlətlidir çoxundan.
Qadın var ki, istəyir,Kişi dilavər olsun.Qadın var ki, fərqi yox,Təki elə ər olsun.
Qadın var ki, sir-sifət,Onun üçün əsasdır.Bizim ZAQS müdiri dəBu sarıdan həssasdır.
Elə ona görədirDəlləklər gəlib cana.Moda atelyeləriSanki işləyir ona.
Gah qalife geyinir,Gah qabardin, gah “Metro”.Tanış-biliş qızlaraTəki gözəl gəlsin o.
Bu gün bəyəndiyi qız,Sabah nişanlı çıxır.Yaman dərddir subaylıq,Təklik qəlbini sıxır.
Bu yerlərə gələli,Deməyin ki, dərd edir.Ev-eşik də düzəldib,Dərdi novruz dərdidir.
Hərdən özünü kəndinKlubuna toxuyur.O, evlənmək haqqında,“Mühazirə” oxuyur.
Eynəyinin altından,Elə baxır ki, hərdən –Dərdli olsan o dəmdə,Boğularsan qəhərdən.
Subay qızların da ki,Qəlbindən çox şey keçir.Bizim ZAQS müdirisəHələ qız seçir... seçir...
Kitabxana.az · https://kitabxana.az/works/islam-seferli-zaqs-mudiri
← → düymələri ilə keçid, R — təsadüfi şeir
Müəllifin digər əsərləri
– Söylə mənə, söylə mənə, uçuq səngər,Hansı igid itirmişdir bu çantanı?
Axı necə oldu ki...Hərdən nağıl eylədikcə mən döyüş illərimi,Sevgilim mehribanca oxşayıb tellərimi
Evciyəzə oxşadıUşaqlıqda nə rayon, nə də şəhər tanıdım,Şəkərabad kəndini böyük aləm sanırdım.
Naxçıvanın duzu, qızı, qarpızı...Haça dağdan günəş qalxır, baxıram,Yaylaqların sinəsinə qalxıram.
Başqa şairlərin şeirləri
Əziz ata, itgin gedən fərzəndinAğla hey düşəndə yada doyunca.
MiçəkQurdum hər cür torumu, vermədi fayda miçəkə,Sataşır gündə gözüm xörəkdə, çayda miçəkə,
SevdiyimQədəm basdın didələrim üstünə,Sən xoş gəldin, səfa gəldin, sevdiyim.
QalmasınAləmləri babət-babət yaradanNə qaldı ki qul başına gəlməsin