Arzularım qırır bəndi,Baxıb üzüldüm beləcə.Öz ağlıma öz inadımQənim kəsildi beləcə.

Ürək olsa sınıq saxsı,Başına hey ulduz yağsın...Sınan sındı – ya şax sınsın,Ya da əzilsin beləcə.

Bu dəhnə sel dəhnəsidir,Lil hökmran, qaya əsir...Bu səhra söz səhrasıdır,Yola düzəldim beləcə.

Nə ad verim bu ad-sana?Sözüm küləş, dilim şana!Yağ olmadım bircə şama,Dünyaya gəldim beləcə.

Dil taparsa bir ocaqlaBir misramı qonaq saxla,Payım qalsın dal budaqdaBeləcə, kəndim, beləcə...

10 mart 1983

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri