Şair Cavadla deyişmə – II
Cavad
Dağlar səfalıdır bahar əyyamı,
Dəhşətli deyilmi tar yeriyəndə?
Dəvə dözümlüdür düzdür cəfaya,
Bəs, qorxu deyilmi nər yeriyəndə?
Vəli
Dəhşət olduğunu mən də bilirəm,
Dərəyə tökülür tar yeriyəndə.
Nə qədər coşsa da, bir sahibi var
Sarvan üstə minir nər yeriyəndə.
Cavad
Ər oğlu ər odu bilə ahəngi,
Fərhad kimi çapa qayanı, səngi.
Saymaynan özünü elmin pələngi
Hər yaranmış qaçar nar yeriyəndə.
Vəli
Mənəm bu sözlərin ahəngidəri
Şairlik elminin sədd İsgəndəri,
Alimlər yanında açaq dəftəri
Su töküb söndürrəm nar yeriyəndə.
Cavad
Düzdə daylaq çapar, hamı at sürər,
«Tey»in, «yey»in mənasını kim bilər?
Cavad mətləbini hey «dal»dan dilər
Dağlar da bəzənir var yeriyəndə.
Vəli
«Tey» təvəkkül, «yey» yaxşılıq deməkdir,
Doğru yolnan getmək halal əməkdir,
Miskinli Vəliyə Əli köməkdir,
Eyləyər düşməni xar yeriyəndə.
Kitabxana.az · https://kitabxana.az/works/miskin-veli-sair-cavadla-deyisme-ii
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Kara gəlmək üçün də yarım yox.
Ey sitəmkar məni rüsvayi-cahan eyləmisənEy sitəmkar məni rüsvayi-cahan eyləmisənGözümün yaşını çün Dəclə ravan eyləmisən.
YadigarSallanıb-sallanıb naz ilən gedən,Yarəb, bilmənəm kimin nazlı yarıdır,
Gəraylı: Ellər yaylaqdan qayıtdıEllər yaylaqdan qayıtdıNə yatubsan, oyan yarım