Günəşli, ulduzlu, aylı yer kürəm!üzündə işıq var, üzümə düşüb.Hayana baxıram, səni görürəm,gözlərin eynəkdi, gözümə düşüb.

Yerdə göyərərsən, yerə atsalar,suda içilərsən, suya qatsalar.Dalınca yüyürüb sənə çatsalar,kimdisə, o mənim izimə düşüb.

Solmayan gül gördüm – yanaqlarındı,ovcumda təsbeh var – barmaqlarındı,Bir beşik tapmışam – qucaqlarındı,ilk dəfə öz haqqım özümə düşüb.

5 may 1992

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri