Mən sizi bir daha görə bilməsəm,Xatirəmi əziz saxlayın, dağlar,Döşünüzdən lalə dərə bilməsəm,Siz məni aranda yoxlayın dağlar...Uca başınızdan külək göndərin,Məxmər döşünüzdən çiçək göndərin,Buluddan bir bəyaz örpək göndərin,Matəm yaylığını bağlayın, dağlar...Mən ki çox sevərdim dağ havasını,Sevən ürəklərin xoş sevdasını,Bir qərib gəlinin tutub yasını,Dost üçün doyunca ağlayın, dağlar.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar