Yaşıllanır çöllər, oyanır torpaq,Bəzənir gəlintək hər dərə, hər dağ,Ruhuma bir adət olur çırpınmaq.Məhəbbətim səndə, könlüm səndədir,Bahar nə nazəndə, nə nazəndədir.

Gah yoluna çıxdım, gah yola saldım,Gah intizar çəkdim, həsrətlə qaldım.Qışda sorağını uzaqdan aldım,Dedim əmanətim, eşqim səndədir,Bahar nə nazəndə, nə nazəndədir.

Xoş nəğmələr qoşdum sənin adına,Saf bir nəfəs kimi çatdın dadıma.Bir həzin axşamda düşsəm yadınaBil ki, məhəbbətim, könlüm səndədir,Bahar nə nazəndə, nə nazəndədir.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hicran