Ağ libasın, tər əndamın, gül üzünNə yaşayır bir-bir üstə, gözəl qız!Xoş yerişin, şux gülüşün, dür sözün,Ayaq saxla, get ahəstə, gözəl qız!

Əylən, bircə qəmli könlüm şad elə,Şirin aşna olub verək əl-ələ.Həsrətin çəkməkdən döndüm bülbülə,Dəstinə gül götür dəstə, gözəl qız!

Könül ərəb atdı, haçan yorular?Bağrımın başına millər vurular.Eşq oduna yanar, yanar, qovrularAşıq İman kimi xəstə, gözəl qız!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar