Öz işini sevir candan,Usta utanmaz heç zaman,Bina uçmaz, iki yandanKərən dirəyə söykənsə.

Bir gün dara düşsə əgər,Çıxar dardan müzəffər –Məğlub olmaz qoç igidlərKürək küreyə söykənsə.

Sən bizdə bir qismət kəssən,Mən sizdə bir qismət kəssəm.Nemət itməz onu bil sən,Çörək çörəyə söykənsə.

Qalmayacaq yüz al, min al,Nə zər, qızıl, nə dövlət, mal,Ad-san yaşar, əgər halalİşə, əməyə söykənsə.

Qaladır möhkəm divarlı,Qoşa dağdır başı qarlı –Sədaqətli, etibarlı –Ürək ürəyə söykənsə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri