Hara qaçırsan, ay adam
Hara qaçırsan, ay adam,Bir dayan, nəfəsini dər.Çiçəklərin ətrini dər,Küləklərin hirsini dər.
Otur üstündə bir daşın,Bir az açılsın qırışın,Göydə də uçub gedən quşunYerdəki kölgəsini dər.
Gör dünya nə deyir sənə,Verib yeri-göyü sənə,Ay başını öz sinənə,Ürəyinin səsini dər.
...Sözüm ağlına batmasa,Dünya könlünə yatmasa,Əlin heç nəyə çatmasa,Bu dünyadan özünü dər...
Kitabxana.az · https://kitabxana.az/works/ramiz-rovsen-hara-qacirsan-ay-adam
← → düymələri ilə keçid, R — təsadüfi şeir