Ərdəmlilər
Söz almayaq nə ərəbdən, nə farsdan,Yetər bizə aydan arı dilimiz.Xəzər kimi doğub Kürdən, ArazdanŞirvanımız, Muğanımız, Milimiz!
Qovulmalı yüz obadan, yüz eldən,Uydurmaya ağlabatan deyənlər.Xalqımıza yabançıdır əzəldən,Yurdumuza “Atrapatan” deyənlər.
Midiyanın nə dəxli var bizlərə!Gerçəkçilər aranılsın, bilinsin.O sözlər ki örtü çəkir üzlərəÜrəklərdən, diləklərdən silinsin!
Dədə Qorqud, Dədə Oğuz andımız,Canımızda, qanımızda ürkü yox!Yağılara tük saldırıb adımız,Ruhumuzda bir yabançı türkü yox!
Öz dilini, öz elini duyanlarÖz dilinə, öz elinə uymalı!Ərdəmlilər soyu tutar, soy anlar,Soysuzların dərisini soymalı!..
Kitabxana.az · https://kitabxana.az/works/refiq-zeka-xendan-erdemliler
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Vətən
Bu ellər göz yaşında qərq olub boğulanda,Sevindi evdəkilər o dilbər doğulanda.
AğlasinYaşılbaş sonalar ötər göllərdə,Qırıldı qanadım qaldım çöllərdə,
Müznib əfəndiTəng etmə bizə bu yekə dünyanı, a Müznib!Əl çək, mən ölüm, at bu təmənnanı, a Müznib!
Xosrov və Şirin, fəsil 101Xosrov dedi: "Mənə çərx gərdişindən,Bu yerdən, havadan bir az danış sən."