Qovaq
Dostum Fazil Məmmədoğluna
Göylər qaşını çatmasın,Gözlərini ağartmasın,Yarpaqların pas atmasın,Gözyaşımı çağlatmasın,Ürəyimi dağlatmasın,Qəm dolmasın içərimə,Çürümə, qovaq, çürümə!
Varlığım iztirablanar,Sanma bu dərdə tablanar,Ömrüm, günüm əzablanar,Gülüstanım xarablanar,Quru budağın saplanar,Küt bıçaq kimi böyrümə,Çürümə, qovaq, çürümə!
Düşmə, ey vüqarım mənim,Əhdim, etibarım mənim,Nə oldu o yarım mənim,Getməz intizarım mənim,Pozular baharım mənim,Xəzana doğru yürümə,Çürümə, qovaq, çürümə!
Başım məzara yürüyər,Daşımı sitəm kürüyər,Ağac içindən çürüyər,Könlümü ölüm bürüyər,Gözümün nuru əriyər,Məni puçluğa sürümə,Çürümə, qovaq, çürümə!
İstanbul, 1984
Kitabxana.az · https://kitabxana.az/works/refiq-zeka-xendan-qovaq
← → düymələri ilə keçid, R — təsadüfi şeir