Füzuliyə bənzətmə
Məndə ar olsaydı, ölmək ixtiyar etməzmidim?
Abrunun nolduğun bilsəydim, ar etməzmidim?
Gər şüurum olsa idi, dustü düşmən bilməyə,
Şapşalı, Fəzlüllahı işdən kənar etməzmidim?
Anlasaydım Əsədin fikrin, Sipəhdarın işin,
Onları məqtuli-tiği-canşikar etməzmidim?
Xaki-İranın mənə bir guşəsin versəydilər,
Kəndimi Əbdülhəmidtək bəxtiyar etməzmidim?
Bilsə idim el məni axir belə müflis qovar,
Var-yoxu dərcib edib əvvəl fərar etməzmidim?
Mülki-İranın düşünsəydim əlimdən getməyin,
Var ikən fürsət o mülkü tarümar etməzmidim?
Ah, ol dəm ki Təqizadə mənə əl vermədi,
Mümkün olsaydı, başın təndən kənar etməzmidim?
Qoy desinlər, Mə’dəli düşdü Ades sövdasına,
Məncili versəydilər, orda qərar etməzmidim?..
- **Mirzə Ələkbər Sabir. Hophopnamə. İki cilddə. I cild. Bakı, “Şərq-Qərb”, 2004, 233 səh. **
Kitabxana.az · https://kitabxana.az/works/sabir-fuzuliye-benzetme-mende-ar-olsaydi-olmek-ixtiyar-etmezmidim
← → düymələri ilə keçid, R — təsadüfi şeir
Müəllifin digər əsərləri
"Dil mirəvəd zidəstəm, sahib dilan xudara,Dərda ki, razi-pünhan xahəd şod aşikara!"1
Bəlayi-fəqrə düşdün, razı ol, biçarə, səbr eylə!Bəlayi-fəqrə düşdün, razı ol, biçarə, səbr eylə!Üzün oldisə gər külfət yanında qarə, səbr eylə!
Sonya, ey dilbəri-pakizə əda!Sonya, ey dilbəri-pakizə əda!Sənə bu Naqdı bəyin canı fəda!
Neçin məktəbə rəğbətim olmayır?Neçin məktəbə rəğbətim olmayır? –Cibim dolmayır, dolmayır, dolmayır!
Başqa şairlərin şeirləri · Satira
Kam almadı Hitler, nə yaman təlxkam oldu.Minlərcə fırıldaq elədi, natamam oldu.
Ramazan ayı qurtardıBitmiş ramazan, bərhəm olur məclisi-ehsan,Nəqdin verərək, nisyə behişt aldı müsəlman,
“Mehtər Nəim”əEyləmə çox dadü-fəryadü-nəva “Mehtər Nəim”!Ümməti-islamı tutmaz heç Süratəlmüstəqim.
“Novator”un nitqiÇoxdandır köhnələrlə oturmuram, durmuram,Mənə özümə bənzər dost gərək, qardaş gərək.