Üzünə vurmaz
Günəş işığını əndərər yerə,Cücərən otların üzünə vurmaz.Göllər güzgüsünü tutar göylərəQızıl buludların üzünə vurmaz.
Ağrılar yığılar sinəsə səssiz,Zəhər damcılayar badəmə səssiz,Dağlar qucaq açar bu qəmə səssiz,Başındakı qarın üzünə vurmaz.
Ömrüm çox udsa da göz acısını,Minnətsiz çəkibdi tale nazını.Torpaq – ağrısını, güllər – yasınıGecikən baharın üzünə vurmaz.
Hicran – yoxluq anım, görüş – sağ anım,Qoy yenə qoynuna qaçıb sığınım,Bizim aramızdan çıxmadığınıƏlim, qoşa narın üzünə vurmaz.
Çox iti yanırmış sevgi ocağı,Gəl bundan incimə, nə olar axı?Sənintək gözəllər belə günahıMən tək günahkarın üzünə vurmaz!
10.III.1980
Kitabxana.az · https://kitabxana.az/works/sabir-rustemxanli-uzune-vurmaz
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Təbiət və bahar
Bülbül kimi bu gülşənə gəlmişəm,Lalə görüm, sünbül gorüm, gül görüm.
Bir namə yazım, badi-səba yarə yetirsinBir namə yazım, badi-səba yarə yetirsin,Şərhi-qəmimi ol büti-xunxarə yetirsin.
Müxəmməs: Qorxum bu ki canım çıxa qəmxar gəlincəQorxum bu ki canım çıxa qəmxar gəlincəCan ayrıla təndən gül və bixar gəlincə
Bilməyib bu gecə bir fikri-məhal eyləmişəmBilməyib bu gecə bir fikri-məhal eyləmişəm,Arizuyi-hərəmi-bəzmi-vüsal eyləmişəm.