Könül bir bülbüli-şeydadı, gül eşqində nalandır
Könül bir bülbüli-şeydadı, gül eşqində nalandır,Gözüm əbri-bəla tək qamətin hicrində giryandır.
Könül ol lalə tək rüxsarına baxdıqca dönər al qana,Əgər qan oldu, qanın tök, məgər bir qana min qandır.
Görüb xalın, qaçıb Fərhadvəş, lalə çıxıb dağa,Mənim tək dağı dağ üstə qoyub, qəlbində pünhandır.
Pərişan zülfə rəhm et, bəsdi, vurma ey pəri şanə,Pərilər şanəsindən binəva könlüm pərişandır.
Üzün «Vəş-şəms», qaşın «Vəl-qəmər vəl-leyl»dir zülfün,Camalın qüdrəti-xəllaqə bir təfsiri-Qurandır.
Gözün bəski baxıb, ceyran gözümdən göz götürməzdi,Gözümdə gözlərin əksi qalıb, baxsan nümayandır.
Özün canan, sözün can, gözlərin bir canalan cəllad,Bu can qurban o cana, can deil, bir cövhəri-candır.
Xəta müşkü nədən bəxti-siyahım tək olub qara?Dedi: – Ol danəyi-duxxanın xətayi-zülfi-canandır.
Kitabxana.az · https://kitabxana.az/works/sidqi-konul-bir-bulbuli-seydadi-gul-esqinde-nalandir
← → düymələri ilə keçid, R — təsadüfi şeir
Müəllifin digər əsərləri
Gəzər baği-məarifdən xəbərsizlər ulaqlar tək,Odur ki, nəqli-daniş payimal olmuş alaxlar tək.
«Tərcüman» qəzetinin onuncu ildönümü münasibətilə təbrikKönül qafil deyil bu nemətin şükrü sənasından,Dilim sakin deyil bu mətləbin xeyrü duasından.
Müsəvvir Paşanın zifaf gecəsinə maddeyi-tarixNə yaxşı bəzmi-vəfadır, məqami behcətdir,Nə tüfrə eyşi-səfadır, zəmani-işrətdir.
Kəblə Nəsir(mənzum hekayət)*Ey uşaqlar, tutun yerinizdə məqam,
Başqa şairlərin şeirləri · Eşq
Bir namə yazmışdı gözlər şahı,Gəldi mən tək mübtəlayə yetişdi,
Ey yazıqTa ki sən oldun əsiri vəzi-yarın, ey yazıq,Qarə oldu yar əlindən ruzigarın, ey yazıq!
Kül yarpağı, o ləli-dirəxşanə oxşamazKül yarpağı, o ləli-dirəxşanə oxşamaz,Bülbül fəqanı çəkdiyim əfqanə oxşamaz.
Qəddimi peyvəstə qaşın əydi çövgan eylədiQəddimi peyvəstə qaşın əydi çövgan eylədi,Könlümü, həmvarə, zülfün yıxdı, viran eylədi.