Şan-şöhrətdir anadan neft şəhərində olmaq,O yerdə ömür sürüb, o yerdə yaşa dolmaq.Möhtəşəm şəhərimdə, Bakımda doğulmuşam,Orda iməkləmişəm, orda yaşa dolmuşam.Canım bu torpaqdadır,Qanım bu torpaqdadır.Alnıaçıq neftçiyəm, mən razıyam peşəmdən,Ölkələr işıq alır mənim buruq meşəmdən.Ta uşaqkən neftimin qəhvəyi damlalarıSəpələnib üstümə yağan xoş yağış kimi.Baxıb neftdən yaranmış qara göllərə sarıİstəmişəm baş vurub üzəm orda quş kimi.Neftimin hər damlası bir ulduzdur gözümdə,Buruqlar arasında bir ulduzam özüm də.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar